1 aptada respýblıka boıynsha 1999 qylmys jasalyp, onyń 1519-ynyń izi sýymaı ashyldy - ІІM
ASTANA. 6 sáýir. QazAqparat - 1 aptada respýblıka boıynsha 1999 qylmys jasalyp, onyń 1519-ynyń izi sýymaı ashyldy, dep habarlady QR Іshki ister mınıstrliginiń baspasóz qyzmetinen.
«1 aptada 1999 qylmys jasalyp, onyń 1519-ynyń izi sýymaı ashyldy. Sondaı-aq buryn jasalǵan 315 qylmys áshkerelendi. 57 kúdikti ustalyp, 7 qarý tárkilendi», - delingen vedomstvo aqparatynda.
Máselen, Almaty oblystyq krımınaldyq polıtsııa qyzmetkerleri «Arlan» arnaıy bólimshesiniń qatysýymen Talǵar qalasynda oblystyń 2 turǵynyn qolǵa túsirdi. Olar «Almaty-Talǵar» avtojolynda Talǵar aýdanynyń 30 jastaǵy kásipkerine kúsh qoldanyp, «BMV-525» markaly kóligin tartyp alǵan. Sonymen qatar olar azamattan 20 myń AQSh dollaryn bopsalaǵan.
Vedomstvonyń atap ótýinshe, atalǵan fakti boıynsha qylmystyq is qozǵalyp, tergeý amaldary júrgizilýde.
