1 aptada respýblıka boıynsha 1934 qylmys jasalyp, onyń 1447-siniń izi sýymaı ashyldy

dep habarlady QR Іshki ister mınıstrliginiń baspasóz qyzmetinen.

«Sondaı-aq buryn jasalǵan 357 qylmys áshkerelendi. 43 qylmys jasaǵan kúdikti tabylyp, 6 qarý tárkilendi», - delingen baspasóz habarlamasynda.

Máselen, Shyǵys Qazaqstan oblysy Rıdder qalasynyń kezekshi bólimine 10 jáne 11 jastaǵy eki qyz balanyń ata-analary aryzdanyp, belgisiz adamnyń olardyń qyzdaryna qatysty zorlyq jasaǵanyn habarlaǵan. Qylmysty ashýǵa atalǵan qalanyń barlyq jeke quramy jumyldyryldy. Sonymen qatar jábirlenýshilerdiń aıtýy boıynsha kúdiktiniń portreti jasaldy.

«Jedel-izdestirý is-sharalarynyń barysynda polıtsııa qyzmetkerleri buryn zorlaý jasaǵany úshin sotty bolǵan Glýbokoe aýdanynyń 23 jastaǵy turǵynyn ustady. Kúdikti qamaýǵa alynyp, tergeý amaldary júrgizilýde», - delingen vedomstvo aqparatynda.