№1 «Amanat» syılyǵyn Nursultan Nazarbaevqa berý kerek - Myrzataı Joldasbekov
ASTANA. QazAqparat - Búgin L.Gýmılev atyndaǵy Eýrazııa ulttyq ýnıversıtetinde «Amanat» qoǵamdyq tanym syılyǵyn taǵaıyndaý jónindegi qoǵam ókilderi keńesiniń birinshi otyrysy ótti. Shara barysynda keńestiń tóraǵasy bolyp qoǵam qaıratkeri, fılologııa ǵylymynyń doktory Myrzataı Joldasbekov taǵaıyndaldy, dep habarlaıdy QazAqparat.
Keńes barysynda «Adamdardyń eleýli jetistikteri» qoǵamdyq qorynyń prezıdenti Záýre Beısova «Amanat» syılyǵynyń atalymdary jaıynda sóz qozǵasa, «Altyn orda» avtorlyq dızaın úıiniń prezıdenti Yrza Tursynzada jeńimpaz ıelerine beriletin syılyq týraly aıtyp berdi.
«Baǵzy zamannan, myńdaǵan jyldardan bizdiń qazaq halqynyń, arǵy jaǵyn aıtsaq túrki, ǵun, saq dáýirinde baıtaq dalany, Uly dala eli - Qazaqstandy mekendegen halyqtyń armanyn oryndaǵan kim? Nursultan Nazarbaev. Sondyqtan biz birinshi syılyqty eldiń san myń jyldyq amanatyn oryndaǵan dep ardaqtap, eń aldymen bul syılyqty Elbasyna berýimiz kerek dep oılaımyn», - dedi Myrzataı Joldasbekov.
Aıta keteıik, «Amanat» qoǵamdyq syılyǵy taıaýda ǵana taǵaıyndalǵan bolatyn. Ol elimizdiń áleýmettik-ekonomıkalyq ári qoǵamdyq ómirine eleýli úles qosqan jáne qyzmeti jasampaz eńbekke, ıgilik pen aqyl-parasatqa negizdelgen jalpy adamzat qundylyqtaryn nyǵaıtýǵa kómektesetin adamdardy kótermeleýge arnalǵan.
