1 aqpannan bastap «Tájen» pýnkti arqyly ótý ýaqytsha toqtatylady

ASTANA. KAZINFORM — «Tájen» ótkizý beketinde 2025 jylǵy 1 aqpannan bastap 3 aı boıy qaıta jańartý jumystary júrgiziledi, dep habarlaıdy Memlekettik kirister komıteti.

EAEO-nyń syrtqy shekarasynda ornalasqan keden beketterinde Qytaı, Ózbekstan jáne Túrikmenstanmen shekaradaǵy 9 avtomobıl ótkizý pýnktin tolyqqandy jańǵyrtý jalǵasýda.

— Ózbek tarapymen kelisim boıynsha (notalar almasý arqyly) jeke tulǵalardyń «Tájen» ótkizý pýnktin kesip ótý qaýipsizdigin qamtamasyz etý úshin 2025 jylǵy 1 aqpannan bastap 3 aıǵa beketti qaıta jańartý kezeńinde jeke tulǵalardyń ótýi, sondaı-aq jeńil avtokóliktiń, avtobýstardyń jáne 3,5 tonnaǵa deıin júk kóliginiń ótýi «Tájen» (QR) — «Daýt Ata» (ÓR) ótkizý pýnktteri arqyly ýaqytsha toqtatylady, — delingen komıtet habarlamasynda.

Osyǵan baılanysty, jeke tulǵalardyń, jeńil avtokólikterdiń, avtobýstar men 3,5 tonnaǵa deıingi júk kólikteriniń aǵynyn Qazaqstan-ózbek shekarasynda ornalasqan kelesi ótkizý pýnktteri arqyly qaıta bólinedi:

• «B.Qonysbaev» (QR) — «ıAllama» (ÓR) ótkizý pýnktteri (jeke tulǵalar, jeńil avtokólik quraldary, avtobýstar jáne 3,5 tonnaǵa deıin júktemeleıtin júk avtokólik quraldary);
• «Qaplanbek» (QR) — «Zangıota» (ÓR) ótkizý pýnktteri (jeke tulǵalar, jeńil avtokólik quraldary, avtobýstar);
• «Syrdarıa» (QR) — «Malık» (ÓR), «Tselınnyı» (QR) — «Ok Oltın» (ÓR) ótkizý pýnktteri (jeńil avtokólik quraldary legkovye, jeke tulǵalar);
• «Beıneý» (QR) — «Karakalpakııa» (ÓR) temirjol ótkizý pýnktteri (temirjol kóligimen jeke tulǵalardyń ótýi).

Jańǵyrtý aıaqtalǵannan keıin ótkizý pýnktteriniń ınfraqurylymy jaqsarady, jeke tulǵalardyń shekaradan yńǵaıly ótýi jáne taýarlar men kólik quraldarynyń shekarasynda memlekettik baqylaý túrlerin sapaly júrgizý úshin barlyq jaǵdaılar jasalatyn bolady.

Osyǵan deıin Mańǵystaý oblysy aýmaǵynda ornalasqan «Tájen» ótkizý beketiniń jumysy úsh aıǵa toqtatylatyny habarlanǵan edi.