1 aqpannan bastap keıbir eski banknottardy aıyrbastaý merzimi aıaqtalady

ALMATY. QazAqparat - 2006 jylǵy úlgidegi nomınaly 2, 5, 10 myń teńgelik banknottardy qabyldaý jáne aıyrbastaý 1 aqpanda aıaqtalady. Ulttyq banktiń Qolma-qol aqsha aınalysy departamentiniń dırektory Jomart Qajymuratov osylaı málim etti, dep habarlaıdy QazAqparat tilshisi.

Onyń aıtýynsha, 2006 jylǵy úlgidegi nomınaly 2 000, 5 000, 10 000 teńgelik banknottardy qabyldaý jáne aıyrbastaý merzimi aıaqtalyp qaldy.

Jeke tulǵalar úshin banknottar tek Ulttyq banktiń fılıaldarynda aıyrbastalady.

«Osy atalǵan banknottar qolda bar bolǵan jaǵdaıda, Ulttyq banktiń jaqyn mańdaǵy fılıalyna baryp, 1 aqpan saǵat 15:00-ge deıin ulttyq valıýtanyń qoldanystaǵy aqsha belgilerine aýystyryp alýdy suraımyz», - deıdi Jomart Qajymuratov

2021 jyldyń 2 aqpanynan bastap 2006 jylǵy úlgidegi nomınaly 2000, 5000 jáne 10000 teńgelik banknottar Qazaqstan Respýblıkasynyń búkil aýmaǵynda qabyldanbaıdy jáne aýystyrylmaıdy.