Avtogazdyń baǵasy qaı óńirde qalaı ózgeredi – mınıstr buıryǵy

ASTANA. KAZINFORM – Qazaqstanda 1 aqpannan bastap janar-jaǵarmaı quıý stantsııalarynda avtogazdyń shekti baǵasy ósedi.

АГЗС газовая заправка газ құю станциясы
Фото: Kazinform

Biraq, baǵa ár aımaqta ártúrli, ıaǵnı lıtri 65 teńgeden 107 teńgege deıin ózgeredi. Tolyǵyraq Energetıka mınıstriniń buıryǵynda aıtylǵan. 

Qazir el óńirlerinde avtogaz 54 teńge men 94 teńge aralyǵynda satylyp jatyr. Al 1 aqpannan bastap avtogaz baǵasy lıtrine 65 teńgeden 102 teńgege deıin ósedi.

Aıta ketsek, eń joǵary baǵa Almaty men Astana qalasynda (lıtri 102 teńge) satylady, al arzan baǵa Mańǵystaý oblysyna tıesili ( lıtri 65 teńge).

1 aqpannan bastap óńirlerde avtomobıl gazynyń quny qalaı ózgeredi:

  • Astana qalasy - 102 teńge (qazir 82 teńge)
  • Almaty qalasy - 102 teńge (qazir 89 teńge)
  • Aqtóbe, Atyraý oblysy - 77 teńge (qazir 59 teńge)
  • Aqmola, Almaty oblysy - 102 teńge (qazir 84 jáne 89 teńge)
  • Shyǵys Qazaqstan, Qostanaı, Qaraǵandy, Jetisý, Ulytaý oblysy jáne Abaı oblysy - 102 teńge (qazir 84 teńge)
  • Jambyl oblysy - 90 teńge (qazir 78 teńge)
  • Batys Qazaqstan oblysy - 77 teńge (qazir 70 teńge)
  • Qyzylorda oblysy – 90 teńge (qazir 70 teńge)
  • Mańǵystaý oblysy - 65 teńge (qazir 59 teńge)
  • Pavlodar oblysy - 102 teńge (qazir 81 teńge)
  • Soltústik Qazaqstan oblysy - 102 teńge (qazir 89 teńge)
  • Shymkent qalasy jáne Túrkistan oblysy - 90 teńge (qazir 70 teńge).

Eske sala ketsek, byltyr elimizdiń birneshe óńirinde avtogaz tapshylyǵy baıqaldy. Máselen, Oral qalasynda avtogaz quıý stansalarynyń birqatarynda suıytylǵan munaı gazy joq bolsa, barlarynda kezek seıilmeı turǵanyn habarladyq. 

Sonymen qatar Túrkistan oblysynda da avtogaz tapshylyǵy týyndady. 

Sondaı-aq, jańa gaz baǵasynyń naryqqa áseri týraly sarapshylar pikirin bilgen edik. 

Сейчас читают