1 aqpannan bastap Almaty tolyǵymen tsıfrlyq telehabarǵa kóshedi
2021 jyldyń 1 aqpanynda Almaty qalasynda «Kóktóbe» telemunarasynda tsıfrlyq efırlik telehabar taratý jelisine kóshý boıynsha is-shara ótedi. Óńirde tsıfrlyq efırlik telehabar taratý jelisin engizý memlekettik jobasy júzege asyryldy.
Qurylym álemdegi seısmoturaqty munara bolyp sanalady. «Kóktóbe» telemunaralardyń álem reıtıngisinde 14-shi oryndy ıelenedi. Onyń qurylysy 9 jylǵa sozylyp, alǵash ret 1984 jyly sıgnal taratqan bolatyn. Qazirgi ýaqytta munara elimizde televızııa sıgnalyn tsıfrlyq formatqa aýystyrý protsesine qatysatyn mańyzdy nysandardyń biri. Búkil Qazaqstan boıynsha teleradıohabar taratý jelisin baqylaý jáne monıtorıngteý ortalyǵy Kóktóbede ornalasqan.
Alǵash ret elimizde tsıfrlyq televızııa 2012 jyly 3 shildede Tuńǵysh Prezıdent Nursultan Nazarbaevtyń qatysýymen ótken «Indýstrıalızatsııa kúni» sharasy aıasynda iske qosylǵan bolatyn. Sodan beri elimizde radıotelevızııalyq stansa salyp, modernızatsııa qarqyndy túrde júrgizilip keledi.
Almaty qalasy men Almaty oblysynda 90 radıotelevızııalyq stansa qoldanysqa engizildi. Bul RTS-ter 736 eldi mekendi tsıfrlyq telesıgnalmen qamtamasyz etip otyr, ıaǵnı qala men oblys turǵyndarynyń 99 paıyzy, shamamen 3,8 mln turǵyn TsETV jelisinde arnalardy tamashalýǵa múmkindigi bar.
Búgingi tańda tsıfrlyq efırlik telehabar taratý jelisi barlyq oblys ortalyqtarynda jáne birqatar oblysta qoljetimdi: Mańǵystaý, Jambyl, Túrkistan, Almaty, Pavlodar, Qostanaı oblystarynda jáne Shymkent qalasy tolyqtaı kóship qoıǵan. Endi 1 aqpanda Almaty qalasy men Soltústik Qazaqstan oblysyn tolyq kóshirý josparlanyp otyr. Búkil Qazaqstan boıynsha analog telehabar taratý jelisin óshirý úshin 827 radıotelevızııalyq stansaa turǵyzylyp, modernızatsııalaný kerek. Qazirgi ýaqytta 546 radıotelevızııalyq stansa iske qosyldy. Sonyń nátıjesinde TsETV-nyń qamtý aýmaǵy el halqynyń 91 paıyzyn qurap otyr. Tsıfrlyq efırlik telehabar taratý jelisin engizý jobasy 2022 jyly aıaqtalady dep josparlanǵan. TsETV-ge kóshýdiń merzimderi men kezeńderin QR memlekettik quzyrly organ bekitedi.
1 aqpanda Almaty qalasymen qatar Soltústik Qazaqstan oblysy da tsıfrlyq efırlik telehabar taratý jelisine kóshedi. Sonymen qatar 1 jeltoqsanǵa deıin Nur-Sultan qalasy men Qaraǵandy oblystary kezekte tur.
Jobany júzege asyrý 2022 jyly aıaqtalady dep josparlanǵan.
