1 aqpannan aıyrbastaý pýnktterindegi dollar men eýrony satyp alý jáne satý arasyndaǵy jańa aıyrmashylyq kúshine enedi
ASTANA. QazAqparat - QR Ulttyq Bankiniń 31 jeltoqsandaǵy qaýlysymen aıyrbastaý pýnktteri arqyly júrgiziletin operatsııalar boıynsha shetel valıýtasyn teńgege satyp alý baǵamynyń satý baǵamynan aýytqý shekteri bekitildi.
Osylaısha, qaýlyǵa sáıkes, «Ýákiletti bankterdiń jáne ýákiletti uıymdardyń aıyrbastaý pýnktteri arqyly júrgiziletin operatsııalar boıynsha shetel valıýtasyn teńgege satyp alý baǵamynyń satý baǵamynan aýytqý shekteri:
1) AQSh dollary úshin - 6 teńge;
2) eýro úshin - 7 teńge bolyp belgilensin».
Sondaı-aq qujatta qaýly 2016 jyldyń 1 aqpanynda kúshke enedi dep jazylǵan.
