1 aqpanda Qazaqstannyń basym bóliginde tuman túsedi

ASTANA. KAZINFORM – 1 aqpanǵa Qazaqstannyń 15 oblysynda daýyldy eskertý jarııalandy, dep habarlaıdy «Qazgıdromet» RMK.

Abaı oblysynyń soltústiginde, shyǵysynda, ońtústiginde tuman kútiledi. Jel shyǵystan, ońtústikte jáne oblys ortalyǵynda shyǵys pen ońtústik-shyǵystan soǵyp, ekpini 15-20 m/s-ke jetedi.

Aqmola oblysynyń batysynda, soltústiginde, shyǵysynda tuman túsedi.

Aqtóbe oblysynyń soltústiginde jáne shyǵysynda tuman túsedi. Oblys ortalyǵynda ońtústik-shyǵystan soǵatyn jeldiń ekpini 15 m/s-ke jetedi.

Atyraý oblysynyń batysynda jáne soltústiginde kóktaıǵaq bolady. Oblystyń batysynda, soltústiginde jáne ońtústiginde tuman túsedi.

Almaty oblysynyń ońtústiginde jáne taýly aýdandarynda keı ýaqyttarda tuman túsedi. Jel ońtústik-batystan soǵady, shyǵysynda jáne taýly aýdandarynda ekpini 15-20 m/s.

Shyǵys Qazaqstan oblysynyń soltústiginde, ońtústiginde jáne ortalyǵynda tuman túsedi.

Túnde Jambyl oblysynyń taýly aýdandarynda qar jaýyp, boran soǵady, kóktaıǵaq bolady. Keı ýaqyttarda tuman túsedi. Jel ońtústik-shyǵystan soǵyp, taýly aýdandarda ekpini 15-20 m/s.

Jetisý oblysynyń soltústiginde, shyǵysynda jáne taýly aýdandarynda tuman túsedi. Alakól kólderi mańynda soltústik-shyǵystan soǵatyn jeldiń ekpini 15-20 m/s, keı ýaqytta 23-28 m/s-ke deıin jetedi.

Batys Qazaqstan oblysynyń batysynda, soltústiginde jáne ońtústiginde jaýyn-shashyn (jańbyr, qar), boran soǵady, kóktaıǵaq bolady. Oblystyń batysynda, soltústiginde jáne shyǵysynda tuman túsedi. Jel ońtústik-shyǵystan soǵyp, ekpini 15-20 m/s.

Qaraǵandy oblysynyń soltústiginde, shyǵysynda jáne ońtústiginde tuman kútiledi.

Qostanaı oblysynda tuman túsedi.

Mańǵystaý oblysynyń ońtústiginde, batysynda jáne ortalyǵynda tuman bolady. Túnde oblystyń ońtústiginde ońtústik-shyǵystan soǵatyn jeldiń ekpini 15-20 m/s-ke jetedi.

Soltústik Qazaqstan oblysynyń batysynda, soltústiginde jáne shyǵysynda tuman kútiledi.

Túnde Túrkistan oblysynyń batysynda, soltústiginde, ońtústiginde jáne taýly aýdandarynda, kúndiz oblystyń soltústiginde jáne taýly aımaqtarynda kóktaıǵaq kútiledi. Oblystyń soltústiginde, ońtústiginde, ortalyǵynda jáne taýly aýdandarynda tuman bolady. Jel ońtústik-shyǵystan soǵyp, taýly aýdandarda ekpini 15-20 m/s.

Ulytaý oblysynyń soltústiginde, ońtústiginde jáne ortalyǵynda tuman men kóktaıǵaq kútiledi.

Buǵan deıin aýa raıynyń qolaısyzdyǵyna baılanysty Mańǵystaý oblysynda kólik qozǵalysyna shekteý qoıylǵany habarlanǵan bolatyn.