1 aqpanda Qazaqstanda ótetin mańyzdy sharalarǵa sholý
NUR-SULTAN
10.00-de «Nur Otan» partııasynyń elordalyq fılıaly «Ummet» qoǵamdyq qorymen birlesip, muqtaj azamattarǵa kómirdi tegin taratatyn «Jylý syılaý» aktsııasyn ótkizedi.
11.00-de Oqýshylar saraıynda «ıÝSIMAS» balalardyń zııatkerlik damý akademııasy jáne «Business kids» balalar kásipkerligi akademııasy 9-16 jas aralyǵyndaǵy balalar men olardyń ata-analary úshin «Tsıfrlandyrý jáne joǵary tehnologııalar dáýirinde jas urpaqty kásipkerlik jáne kásiptik baǵdarlaý daǵdylary» taqyrybynda otbasylyq konferentsııa ótkizedi.
12.00-de QR Ulttyq akademııalyq kitaphanasynda uly oıshyl Abaıdyń 175 jyldyq mereıtoıyn toılaý aıasynda «Kitap oqyp, rýhanı baı bol!» atty qalalyq baıqaý ótedi.
17.00-de Dostyq úıinde Qazaqstan halqy Assambleıasynyń qoldaýymen «TAŃ» tatar-bashqurt etnomádenı ortalyǵy dástúrli «Aýlak óı» qysqy kezdesýin ótkizedi.
18.00-de Nazarbaev Ýnıversıtetinde akter Danııar Alshynovpen shyǵarmashylyq kezdesý ótedi.
ALMATY
12.30-da «Medeý» muz aıdynynda Halyqaralyq mototsıkl federatsııasynyń qoldaýymen muz betindegi motojarys boıynsha jeke álem chempıonatynyń fınaly ashylady.
AQTÓBE
9:00-den 18:00-ge deıin Sybaılas jemqorlyqqa qarsy is-qımyl agenttiginiń Aqtóbe oblysy boıynsha departamentiniń «ANTICOR ORTALYGY» servıstik ortalyǵynda «Qazaqstandaǵy normatıvtik quqyqtyq aktiler jobalaryna sybaılas jemqorlyqqa qarsy saraptama» semınarlarynyń ekinshi týry ótedi. Semınardy Qazaqstandaǵy parlamentarızmdi damytý qory uıymdastyrady.