1 aqpanda eldegi qaı joldar jabyq

ALMATY. KAZINFORM – «QazAvtoJol» ulttyq kompanııasy eldegi joldardyń qazirgi ahýaly týraly habarlady.

Ulttyq kompanııanyń málimetinshe, 2026 jylǵy 1 aqpan saǵat 08:00-degi jaǵdaı boıynsha, qolaısyz aýa raıyna baılanysty Mańǵystaý oblysynda respýblıkalyq mańyzy bar «Dossor – Qulsary – Beıneý – Saı-Ótes – Shetpe – Jetibaı – Aqtaý» avtojolynyń 632-718-shaqyrym aralyǵynda (Shetpe aýyly – Jetibaı aýyly ýchaskesi) kóliktiń barlyq túri úshin qozǵalys shekteldi.

Jol shamamen 2026 jylǵy 1 aqpan saǵat 11:00-de ashylady.

Sondaı-aq «Astana – Shiderti – Pavlodar – Ýspenka – RF shekarasy» avtojolyndaǵy kópir ótkeliniń shetki arqalyqtary zaqymdanýyna baılanysty «Qalqaman» jol aıryǵy ýchaskesi – Qalqaman aýylyna kireberis jáne Astana baǵytyna shyǵatyn jol jabyldy.

Eske salaıyq, sınoptıkter 1 aqpanda Qazaqstannyń 15 óńirinde qolaısyz aýa raıyna baılanysty eskertý jasady. Eldiń basym bóliginde tuman túsedi.