1 aqpan. QazAqparat kúntizbesi
ATAÝLY KÚNDER
Búkilálemdik Úılesimdi konfessııaaralyq qatynastar aptalyǵy
Búkilálemdik Úılesimdi konfessııaaralyq qatynastar aptalyǵyn halyqaralyq qoǵamdastyq alǵash ret 2011 jylǵy 1-7 aqpan aralyǵynda toılady. Birikken Ulttar Uıymy barlyq memleketterdi osy apta barysynda erikti túrde konfessııaaralyq úılesim men qaıyrymdylyq tanytýǵa shaqyrady. Shirkeýler, meshitter, sınagogalar, taǵy basqa da ǵıbadat úıleri oqıǵalar ortalyǵyna aınalýy tıis.
ESTE QALAR OQIǴALAR
1964 jyly KSRO Mınıstrler Keńesiniń «Qazaq KSR-indegi qoı sharýashylyǵyn damytý úshin shól jáne shóleıt jaıylymdardy ıgerý týraly» qaýlysy jarııalandy.
1992 jyly Eýropalyq qaýipsizdik jáne yntymaqtastyq keńesiniń Pragada ótken sessııasynda tuńǵysh ret Qazaqstannyń baıraǵy ornatyldy.
2005 jyly Izraılde Qazaq kınosynyń kúnderi ótti. Qazaq kınosyn tanystyrý úshin Izraılge «Qazaqfılm» ókilderi jáne bas dırektory Sergeı Ázimov bastaǵan tanymal qazaqstandyq rejısserlardan turatyn delegatsııa bardy. Tel-Avıv, Haıfa jáne Ierýsalım qalalarynda Qazaq kınosy kúnderiniń saltanatty ashylýy ótti.
Rejısser Satybaldy Narymbetov Semeı ıadrolyq polıgony mańynda turǵan adamdardyń taǵdyry týraly baıandaıtyn «Qyzjylaǵan» fılmin tanystyrdy. Qazaqstandyq kınotúsirýshiler Izraılge túrli janrdaǵy alty fılm apardy.
2010 jyly Іle Alataýy jáne Jońǵar Alataýy memlekettik ulttyq tabıǵı parkter aýmaǵynda jabaıy almanyń eń baǵaly silemderine erekshe rejımdegi ormandy genetıkalyq rezervattar dárejesi berildi.
2012 jyly «Qazaq entsıklopedııasy» baspasy «Qanysh Sátbaev» entsıklopedııasyn shyǵardy. Onda Qanysh Imantaıulynyń balalyq shaǵynan bastap, eseıý jáne tulǵa retinde qalyptasý joldary men qorshaǵan ortasy túgel qamtylǵan. Sondaı-aq qoǵam jáne memleket qaıratkeriniń eńbekteri jınaqtalyp, ol týraly ǵylymı paıymdaýlar berildi.
2012 jyly Astanada halyq jazýshysy Sáken Júnisov turǵan úıge eskertkish taqta ornatyldy.
2013 jyly S.Toraıǵyrov atyndaǵy Pavlodar memlekettik ýnıversıtetiniń ekolog-ǵalymdaryna Gete atyndaǵy (Germanııa) Frankfýrt ýnıversıtetindegi áriptesteri Qazaqstan men TMD-da balamasy joq «Lintab-6» biregeı qurylǵysyn syılady. Qurylǵynyń kómegimen ǵalymdar klımattyń ózgerýin boljap, ekojúıelerge tabıǵı jáne antropogendik faktorlardyń áserin baqylaı alady.
2014 jyly pavlodarlyq opera ánshisi Marııa Mýdrıak Italııanyń Komo qalasynda ótken halyqaralyq AsLiCo baıqaýynda jeńiske jetti.
2017 jyly Qazaqstannyń Vengrııadaǵy elshiliginde ekijaqty qarym-qatynastardy damytýǵa qosqan úlesi úshin Vengrııanyń resmı tulǵalaryn marapattaý rásimi ótti. «Qazaqstan Respýblıkasynyń táýelsizdigine 25 jyl» jáne «Názir Tórequlov» medaldarymen: Vengrııa Syrtqy ekonomıkalyq jáne syrtqy ister mınıstrliginiń Ekonomıkalyq dıplomatııa jónindegi memlekettik hatshysy Levente Madııar, Syrtqy ekonomıkalyq jáne syrtqy ister mınıstrliginiń «Shyǵysqa betburys» saıası strategııasy jónindegi memlekettik hatshy orynbasary Jolt Chýtora, Syrtqy ekonomıkalyq jáne syrtqy ister mınıstrliginiń erekshe tapsyrmalar jónindegi elshisi Danıel Mendelenı marapattaldy.
2018 jyly Qazaqstan Birikken Ulttar Uıymy Qaýipsizdik Keńesiniń tóraǵasy retindegi óz jumysyn aıaqtady. Qazaqstan BUU Qaýipsizdik Keńesine saılanǵan Ortalyq Azııadaǵy birinshi memleket retinde tóraǵalyǵy barysynda aımaqtaǵy barlyq memleketteriniń múddelerin ilgeriletý boıynsha belsendi jumysyn jalǵastyrdy.
Qazaqstan BUU Qaýipsizdik Keńesinde praktıkalyq nátıjelerge qol jetkizýge jáne kún tártibinde qarastyrylǵan barlyq máseleler boıynsha Keńestiń jumysyna konstrýktıvti úles qosýǵa umtyla otyryp, beıtarap, ashyq jáne transparentti tóraǵalyq etti.
2019 jyly «Astana» Halyqaralyq qarjy ortalyǵy álemdik retteýshilermen birlesip «Jahandyq qumsalǵysh» (Global Financial Innovation Network) baǵdarlamasyn iske qosty.
Qarjylyq ınnovatsııalardyń jahandyq jelisi (Global Financial Innovation Network nemese GFIN) - bul Ulybrıtanııanyń qarjylyq qyzmetin baqylaý jónindegi basqarýdy, Halyqaralyq valıýta qoryn, Dúnıejúzilik bank tobyn jáne qarjy qyzmetterin retteý jónindegi AHQO komıtetin qosa alǵanda, 29 álemdik qarjylyq retteýshi men uıymdardan turatyn birlestik. GFIN ınnovatsııa salasynda yntymaqtastyq jáne tájirıbe almasý; retteýshi tehnologııalarmen (RegTech) baılanysty máseleler boıynsha bilim almasý; kompanııalarǵa bir mezgilde Qazaqstan, Ulybrıtanııa, AQSh jáne basqa da ıýrısdıktsııalardy qosa alǵanda, birneshe elde ınnovatsııalyq ónimderdi, qyzmetterdi nemese bıznes-modelderdi testileýge múmkindik berý maqsatynda qurylǵan.
2021 jyly Almatyda «Kóktóbe» telemunarasy tsıfrlyq efırlik televızııaǵa kóshti, ol eldegi televızııalyq habar taratýdy tsıfrlyq formatqa aýystyrý protsesine qatysatyn mańyzdy nysandardyń biri. Munda Qazaqstan boıynsha tsıfrlyq habar taratý toraptaryn baqylaıtyn Teleradıo habarlaryn taratý jelisin basqarý jáne monıtorıng ortalyǵy ornalasqan.
2022 jyly brıtandyq Travel Daily New basylymy tsıfrlyq kóshpendiler úshin eń úzdik elderdi anyqtaıtyn zertteý nátıjelerin jarııalady. Qazaqstan reıtıngte TOP-25 eldiń quramyna kirdi.
2022 jyly Kembrıdj ýnıversıteti janyndaǵy Fıtsýılıam murajaıynda «Uly dala altyny» kórmesi ótti. Brıtandyq BAQ «halyqaralyq sensatsııa» dep ataǵan jáne «Apollo» jýrnaly álemniń úzdik alty kórmesiniń biri dep ataǵan biregeı kórme Ulybrıtanııada tórt aı boldy.
Kórmede Shyǵys Qazaqstan oblysyndaǵy Berel, Shilikti jáne Eleke Sazy jerleý keshenderinen bizdiń dáýirimizge deıingi VIII-III ǵasyrlarǵa jatatyn júzdegen biregeı altyn jádigerler usynyldy.
