1 aqpan. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

1 aqpan SENBІ

AQSh-ta Ulttyq bostandyq kúni. AQSh Prezıdenti A.Lınkoln AQSh Konstıtýtsııasyna «Quldyqty joıý týraly» 13-shi túzetý engizý jóninde kongress qararyna qol qoıdy. Quldyqty joıý ıdeıasynyń jaqtastary jeńiske jetti. Bul - Azamattyq soǵys (1861-1865) arqyly qol jetkizilgen uly jeńis bolatyn. Qarar 1865 jyly jeltoqsannyń 18-inde kúshine endi.

Aljırdegi oryn aýystyrý kúni. 1968 jylǵy Mers-el-Kebır áskerı-teńiz bazasyn taratý qurmetine oraı bekitilgen. Sonymen qatar Aljır jerinen sońǵy shet el soldatyn kóshirý retinde de atalynady.

Qytaı halqynyń Jańa jyly nemese Kóktem merekesi. Aıaz kúshi saıabyrsyp, kóktemniń alǵashqy lebi sezile bastaý qurmetine úsh kún qatarynan toılanady.

Iranda ıslam revolıýtsııasynyń kúni. Bul mereke 1979 jyly aqpannyń 1-inde kóp jyldar boıy aıdaýda bolǵan Rýholla Mýsavı Homeını ımamnyń elge oralýymen baılanysty. Dástúrli merekeli sharanyń óz ataýy «Fadjr» - «Tań sári» degen maǵynany bildiredi.

ESTE QALAR OQIǴALAR

2 2 jyl buryn (1992) Eýropalyq qaýipsizdik jáne yntymaqtastyq keńesiniń Pragada ótken sessııasynda tuńǵysh ret Qazaqstannyń baıraǵy ornatyldy.

1 7 jyl buryn (1997) «Qazmyrysh» AQ biryńǵaı óndiristik-ekonomıkalyq keshen retinde jumys isteı bastady. Aktsıonerlik qoǵam taý-ken, ken baıytý, energetıka, jóndeý jáne metallýrgııa zaýyttary negizinde quryldy. Sonymen qatar onyń quramyna Buqtyrma sý elektr stansasy jáne Tekeli qalasyndaǵy kásiporyndar kesheni kiredi. 22 6 jyl buryn (1788) alǵashqy amerıkandyq keme patentteldi.

5 6 jyl buryn (1958) Egıpet pen Sırııa memleketterinen Birikken Arab Respýblıkasy quryldy.

7 jyl buryn (2007) sıngapýrlyq ınjenerler avtokólik kiltiniń qyzmetin atqara alatyn biregeı uıaly telefon jasap shyǵardy. Osyndaı qyzmetke jazylǵan avtokólik ıesi uıaly telefonnyń kómegimen mashınasyn ashyp-jaýyp qana qoımaıdy, sondaı-aq ol mashınasynyń qaıda turǵanyn bile alady, qajet bolǵan jaǵdaıda barlyq mańyzdy elektr jelilerin tolyq óshirip tastaı alady. Biregeı telefondy jasap shyǵarǵan ınjener Kerrı Ýıdiń aıtýynsha, kólik quralynyń qojaıyny táýliktiń kez-kelgen mezgilinde telefonmen SMS-saýal jiberip nemese Internetke qosylyp kóliginiń ornynda turǵan-turmaǵanyn anyqtaı alady.

50 jyl buryn (1964) KSRO Mınıstrler Keńesiniń «Qazaq KSR-indegi qoı sharýashylyǵyn damytý úshin shól jáne shóleıt jaıylymdardy ıgerý týraly» qaýlysy jarııalandy.

1 3 jyl buryn (2001) Petropavl qalasynda «Asyl mura» tarıhı-mádenı, ǵylymı-ádistemelik ortalyǵy quryldy. Ortalyqtyń negizgi mindeti - Soltústik Qazaqstan oblysynyń ataqty adamdary týraly málimetter men materıaldar jınaý. «Asyl mura» Toqsan bı, Qojabergen jyraý, belgili aqyn Baımaǵanbet Іztólın týyndylaryn, kórnekti jazýshylar S.Muqanov pen Ǵ.Músirepovtiń mereıtoılaryna arnalǵan shaǵyn sývenırlik kitaptar, aqyn M.Jumabaevtyń «Jyr juldyzy» dep atalatyn sývenırlik óleń jınaǵyn ázirlep, jaryqqa shyǵardy.

9 jyl buryn (2005) Izraılde Qazaq kınosynyń kúnderi ótti. Qazaq kınosyn tanystyrý úshin Izraılǵa «Qazaqfılm» ókilderi jáne bas dırektory Sergeı Ázimov bastaǵan tanymal qazaqstandyq rejısserlardan turatyn delegatsııa bardy. Tel-Avıv, Haıfa jáne Ierýsalım qalalarynda Qazaq kınosy kúnderiniń saltanatty ashylýy ótti. Rejısser Satybaldy Narymbetov Semeı ıadrolyq polıgony mańynda turǵan adamdardyń taǵdyry týraly baıandaıtyn «Qyzjylaǵan» fılmin tanystyrdy. Qazaqstandyq kınotúsirýshiler Izraılǵa túrli janrdaǵy alty fılm apardy.

7 jyl buryn (2007) Qazaqstanda kitap shyǵarýdyń 200-jyldyq mereıtoıy qarsańynda ál-Farabı atyndaǵy Qazaq ulttyq ýnıversıteti stýdentteri prozalyq, aqyndyq, satıralyq shyǵarmalarynyń jınaǵy basylyp shyqty.

«Іshi altyn, syrty kúmis sóz jaqsysyn...» atty kitapty baspa isi jáne redaktsııalaý kafedrasynyń jýrnalıstıka fakýlteti shyǵardy. «Jýrnalıstıka sheberligi jáne redaktsııalaý kafedrasy» retinde 1976 jyldan bastap jumys istep kele jatyr. Onyń ashylýynyń bastaýshysy - tanymal ǵalym, professor Taýman Amandosov. 1998 jyly kafedra óziniń jańa ataýyna ıe boldy.

8 jyl buryn (2006) Memleket basshysy N.Á.Nazarbaev «Almaty qalasynyń aımaqtyq qarjy ortalyǵynyń qyzmetin basqarý boıynsha Qazaqstan Respýblıkasy Agenttigi týraly» № 55 Jarlyqqa qol qoıdy.

8 jyl buryn (2006) Alǵash ret qazaqstandyq «Jigitter» kvartetiniń lazerlik dıskisi men magnıtti taspasy shyǵaryldy. «Erke qyz» dep atalatyn jınaqqa 16 án endi. Onyń arasynda Baqytjan Aldııar, Bolat Orazymbetov, Erjan Serikbaev, Ibraǵım Isa, Kenjebek Ábdikerimuly, Muqtar Qýandyq jáne t.b. kompozıtorlardyń shyǵarmalary bar.

4 jyl buryn (2010) Qazaqstan Respýblıkasy Qarjy mınıstrliginiń qarjy baqylaý boıynsha komıtetiniń resmı aqparattyq ınternet-portalynyń -www.kfm.gov.kz ashylý saltanaty ótti. 4 jyl buryn (2010) Venada 2010 jylǵy maýsymnyń «Astana» veloquramasynyń resmı tanystyrylymy ótti.

3 jyl buryn (2011) Almatyda VII Qysqy Azııa oıyndary aıasynda Ortalyq kórme zalynda Almaty qalasy ákimdiginiń Qysqy Azıada oıyndary-2011 dırektsııasy jáne Kórkemsýret kórmeleri men aýktsıondar dırektsııasy uıymdastyrýymen «Taǵylymdylyq - birge ómir súrý óneri» atty fotoóner kórmesi ashyldy.

3 goda nazad (2011) Astanada «RIA Novostı» aımaqtyq ókildiginde Stalıngrad shaıqasyna arnalǵan «Astana - Máskeý - Tbılısı» mýltımedııalyq vıdeokópiri ótti.

2 jyl buryn (2012) «Qazaq entsıklopedııasy» baspasy «Qanysh Sátbaev» entsıklopedııasyn shyǵardy. Onda Qanysh Imantaıulynyń balalyq shaǵynan bastap, eseıý jáne tulǵa retinde qalyptasý joldary men qorshaǵan ortasy túgel qamtylǵan. Sondaı-aq qoǵam jáne memleket qaıratkeriniń eńbekteri jınaqtalyp, ol týraly ǵylymı paıymdaýlar berildi

2 jyl buryn (2012) Astanada halyq jazýshysy Sáken Júnis turǵan úıge eskertkish taqta ornatyldy.

1 jyl buryn (2013) qazaqstandyq jazýshy Dıdar Amantaıdyń «Qarqaraly» shyńdarynda, «Gúlder men kitaptar» jáne basqa da birneshe shyǵarmasy Parıj, Ankara, Ulan-Batyrda frantsýz, túrik jáne monǵol tilderinde shyqty.

1 jyl buryn (2013) «El Arna» telearnasynan «Fobııa» jańa realıtı-shoýy óz kórsetilimin bastady.

ESІMDER

80 jyl buryn (1934-2006) Qazaqstannnyń halyq jazýshysysy, QR Memlekettik syılyǵynyń laýreaty JÚNІSOV Sáken Nurmaquly dúnıege keldi.

Kókshetaý oblysy, Qyzyltaý aýdany, Kishkenekól aýylynda týǵan. Qazaqstannyń Halyq jazýshysy (1996). Qazaq memlekettik ýnıversıtetin bitirgen (1957). 1957-1959 jj. «Pıoner» (qazirgi «Aq jelken») jýrnalynda jáne 1960-1964 jj. Qazaq memlekettik drama teatrynda ádebıet bóliminiń meńgerýshisi, 1988 jyldan 1991 jylǵa deıin KSRO Ádebı qory Qazaq bólimshesiniń dırektory, Qazaqstan Jazýshylar odaǵynyń hatshysy bolǵan. Balalarǵa arnalǵan alǵashqy kitapshasy («Sonarda») 1959 jyly shyqty. Budan soń jas jetkinshekter úshin «Ájem men emshi jáne dáriger» (1961), «Kimniń mekeni jaqsy» (1962), «Saqaý báteńke» (1983), t.b. kitaptary jaryq kórdi. «Óshpeıtin izder» povesin (1968), «Japandaǵy jalǵyz úı» romanyn jazdy (1965; orys tilinde - 1968). «Aqan seri» dılogııasy jaryq kórdi. (1kit., 1971; 2kit., 1977; orys tilinde - M., 1979). «Alǵashqy vagon» (1982), «Zamanaı men Amanaı» (1987) povesterin jazdy. Jazýshynyń «Ajar men ajal» (1967), «Tutqyndar» (1970), «Qyzym, saǵan aıtam» (1972), «Jaraly gúlder» (1973), «Qos anar» (1974), «Ár úıdiń erkesi» (1975), «Qysylǵannan qyz boldyq» (1976), «Krossvord nemese mashanadaǵy maskarad» (1981), t.b. pesalary respýblıka teatrlarynda qoıyldy. «Óliara» pesasyna Qazaq KSR Memlekettik syılyǵy berildi (1986). 2000 jyly «Sáken seri el jaıynda, el Sáken seri jaıynda» kitaby jaryq kórdi. Kóptegen shyǵarmalary shetel tilderine aýdarylǵan. L.N.Tolstoıdyń, S.Tsveıgtiń birqatar áńgimelerin, O.T.Gonchardyń «Perekop», «Kók adyr» romandaryn, t.b qazaq tiline aýdarǵan. 157 jyl buryn (1857-1927) orys psıhıatr-dárigeri, akademık, refleksologııa men patopsıhologııanyń negizin salýshy BEHTEREV Vladımır Mıhaılovıch dúnıege keldi.

3 6 jyl buryn (1978) sportshy velosportynan halyqaralyq dárejedegi sport sheberi, Qazaqstannyń birneshe dúrkin chempıony, Álem chempıony TRETЬıAKOV Sergeı Gennadevıch dúnıege keldi.

6 5 jyl buryn (1949) kınorejısser, anımatsııalyq kıno sýretshisi, Qazaqstan Kınematografıster odaǵynyń múshesi, Qazaqstannyń eńbek sińirgen qaıratkeri, Qazaqstan komsomoly syılyǵynyń laýreaty DÁNENOV Jáken Jumaǵalıuly dúnıege keldi.

Qostanaı oblysynda týǵan. Almaty kórkemsýret ýchılışesin, Búkilreseılik memlekettik kınematografııa ınstıtýtyn bitirgen. 1973 jyldan «Qazaqfılm» kınostýdııasynda qyzmet jasaıdy. Ol «Alpamys batyr», «Dala áýenderi», «Borsyq pen aı», «Aıdahar araly», «Bulbul», «Ańshylyq», t.b. fılmderdi túsirgen.

6 5 jyl buryn (1949) QR Parlamenti Májilisiniń depýtaty, Agrarlyq máseleler komıtetiniń múshesi TOIBAEV Álıhan Ábdihanuly dúnıege keldi.

Almaty oblysy Talǵar aýdany M.Frýnze atyndaǵy kentte týǵan. Eńbek Qyzyl Tý ordendi Qazaq aýyl sharýashylyǵy ınstıtýtyn bitirgen. 1967-1976 jyldary M.Frýnze atyndaǵy keńshardyń mashına-traktor sheberhanasynyń slesary, bólimshesiniń júrgizýshisi, agronomy, brıgadıri bolyp jumys istegen. 1976-1985 jyldary - «Gornyı sadovod» keńshary partııa komıtetiniń hatshysy. 1985-1986 jyldary - Qazaqstan Qompartııasy Talǵar aýdandyq komıtetiniń aýyl sharýashylyǵy bóliminiń meńgerýshisi. 1986-1988 jyldary - Qazaqstan Kompartııasy Almaty oblystyk komıtetiniń aýyl sharýashylyǵy jáne tamaq ónerkásibi bólimi meńgerýshisiniń orynbasary, Qazaqstan Kompartııasy Talǵar aýdandyq komıtetiniń ekinshi hatshysy. 1988-1991 jyldary - halyq depýtattary Almaty oblystyq Keńesi Talǵar aýdandyq atqarý komıtetiniń tóraǵasy. 1991-1992 jyldary - halyq depýtattary Talǵar aýdandyq Keńesiniń tóraǵasy - halyq depýtattary Almaty oblystyq Keńesi Talǵar aýdandyq atqarý komıtetiniń tóraǵasy. 1992-1995 jyldary - Almaty oblysy Talǵar qalasynyń jáne Talǵar aýdanynyń ákimi. 1995-1998 jyldary - Almaty oblysy Qaskeleń aýdanynyń ákimi. 1998-1999 jyldary - Almaty oblysy Qarasaı aýdanynyń ákimi. 1999-2002 jyldary - Almaty oblysy ákiminiń bipinshi orynbasary. 2002-2007 jyldary - Almaty oblysy ákiminiń orynbasary. 2008-2012 jyldary - Almaty oblysy Eńbekshiqazaq aýdanynyń ákimi. 2012 jylǵy qańtardan bastap - besinshi saılanǵan Qazaqstan Respýblıkasy Parlamenti Májilisiniń depýtaty. «Nur Otan» Halyqtyq Demokratııalyq partııasynyń múshesi, partııalyq tizim boıynsha saılanǵan. «Kurmet», «Parasat», ІІІ dárejeli «Barys» ordenderimen; «Astana», «Qazaqstan Respýblıkasynyń táýelsizdigine 10 jyl», «Tyńǵa 50 jyl», «Qazaqstan Konstıtýtsııasyna 10 jyl», «Astananyń 10 jyldyǵy» medaldarymen marapattalǵan.

7 4 jyl buryn (1940) jazýshy SOMJÚREKOV Jumash dúnıege keldi.

Qostanaı oblysynda týǵan.

Qazirgi Qazaq ulttyq ýnıversıtetin bitirgen.

Ár jyldarda muǵalim, jastar jetekshisi, respýblıkalyq «Qazaqstan aýyl sharýashylyǵy» jýrnalynda, oblystyq «Torǵaı tańy» gazetinde tilshi bolyp jumys istegen. Ótkir ádebı syndary, problemalyq, áleýmettik taqyryptardy ózek etken kóptegen maqalalary respýblıkalyq baspasóz betterinde jarııalanǵan.

«Kóktem tynysy», «Nurly nysana» atty óleń kitaptary, «Saryarqa» tańdamaly jyr jınaǵy shyqqan.

54 jyl buryn (1960) «Ekomed» emhanasynyń negizin qalaýshy jáne jetekshisi, «Habar» agenttigindegi «Birinshi baılyq- densaýlyq» baǵdarlamasynyń júrgizýshisi BAIQOShQAROVA Saltanat Berdenqyzy dúnıege keldi.

Jambyl oblysynda týǵan. Qazaq Ulttyq ýnıversıtetiniń bıologııa fakýltetin 1983 jyly bitirgen. Medıtsınadaǵy eńbek jolyn 1988 jyly Almaty qalalyq keńeshanasynda dáriger-laborant bolyp bastaǵan. Erler bedeýligin anyqtaýmen aınalysyp, kúıeýiniń nemese donordyń sháýhetimen jatyrishilik ınsemınatsııa jasaý jáne atalyq uryq krıokonservatsııasy ádisterin engizgen.

1995 jyly bedeýlikti emdeıtin «Ekomed» ortalyǵyn uıymdastyryp, Qazaqstanda jáne Ortalyq Azııada alǵashqy bolyp deneden tys uryqtandyrý (DTU) ádisin engizdi. Nátıjesinde 1996 jyly 31 shildede osy laboratorııada Qazaqstandaǵy alǵashqy «qutydaǵy bala» dúnıege keldi. Qazaqstandaǵy alǵashqy laboratorııa retinde «Ekomed» emhanasy 1995 jyly Frantsııadaǵy Dúnıejúzilik DTU regıstrine tirkelgen.

Ulttyq medıtsına assotsıatsııasynyń «Altyn Dáriger» ataǵynyń ıesi «Qazaqstan Respýblıkasy Densaýlyq saqtaý isiniń úzdigine» atty qurmet belgisimen marapattalǵan Qazaqstan Respýblıkasynyń Densaýlyq saqtaý mınıstrliginiń «Densaýlyq caqtaý isine qosqan úlesi úshin» medalimen marapattalǵan Memlekettik nagrada - «Qurmet» ordenimen marapattalǵan.

52 goda nazad (1962) «Almaty Halyqaralyq áýejaıy» AQ prezıdenti BEKMUHAMBETOV Aıbol Ánýaruly dúnıege keldi. Aqtóbe qalasynda týǵan. «Qurmet» ordeniniń kavaleri (2002jyl) «Qazaqstan Respýblıkasynyń eńbek sińirgen avıatory» (2005 jyl), ІІ sanatty «Dostyq» ordenimen (2006jyl) «Parasat» ordenimen (2011jyl), «Qazaqstan Respýblıkasy táýelsizdigine 20 jyl» (2011 jyl) medalimen marapattalǵan.

59 jyl buryn (1955) Astana qalasynyń prokýrory JÓRGENBAEV Muhtar Ákebaıuly dúnıege keldi.

Almaty oblysy Kegen aýdanynda týǵan.

Qaraǵandy memlekettik ýnıversıtetin bitirgen.

Atyraý oblysy Mahambet aýdandyq prokýratýrasynyń tergeýshisi, Atyraý qalasynyń prokýrory, Almaty oblysy Talǵar aýdanynyń prokýrory, Almaty oblystyq prokýrorynyń birinshi orynbasary, Atyraý oblysy prokýrory, Ońtústik Qazaqstan oblysynyń prokýrory qyzmetterin atqarǵan. 2009-2010 jyldary QR Bas prokýrorynyń orynbasary. Qazirgi qyzmetinde - 2010 jylǵy maýsym aıynan beri.

«Qurmet», ІІ dárejeli «Dańq», «Dmıtrıı Donskoı» (RF) ordenderimen, medaldarmen marapattalǵan.

9 8 jyl buryn (1916-1998) ǵalym, geografııa ǵylymdarynyń doktory, professor, Qazaqstannyń eńbek sińirgen ǵylym qaıratkeri JANDAEV Muqataı dúnıege keldi.

Soltústik Qazaqstan oblysynda týǵan. Voronej pedagogıkalyq ınstıtýtyn bitirgen.

Uly Otan soǵysyna qatysqan.

1948-1953 jyldary - Qazaqstan Respýblıkasy Ǵylym akademııasy Geologııalyq ǵylymdar ınstıtýtynyń kishi ǵylymı qyzmetkeri. 1953 jyldan ómiriniń sońyna deıin Qazaq memlekettik ýnıversıtetiniń dotsenti, kafedra meńgerýshisi bolǵan.

Negizgi ǵylymı eńbekteri aımaqtyq geomorfologııa, neotektonıka, saı-jyra erozııasy, sel máseleleri jáne geomorfologııalyq kartaǵa túsirý ádisterine arnalǵan. Ózen jáne ózen ańǵarlarynyń paıda bolýy jóninde jańa teorııa usyndy. Jer bederiniń shaǵyn-shaǵyn pishindi ólshemderin anyqtaıtyn geografııalyq ámbebap aspap qurastyrdy. Bul aspappen dalalyq jaǵdaıda geografııalyq nysandardyń ár túrli parametrlerin, tik jáne kólbeý buryshtardy, betkeılerdiń bıiktigi, quramasy men ekspozıtsııasyn, shaǵyn oıystardyń, ózen men ańǵardyń kemerlerin, aǵashtyń bıiktigin, maltatas, qoıtastardyń kólemin, sonymen birge jergilikti geografııalyq endikterdi, Kúnniń kókjıekten bıiktigin, salystyrmaly bıiktikterdi anyqtaýǵa bolady.

1-shi dárejeli Otan soǵysy ordenimen, 3-shi dárejeli Dańq ordenimen jáne medaldarmen marapattalǵan.

5 3 jyl buryn (1961) «Taý-Ken-Samuryq» ulttyq ken rýdasy kompanııasy» AQ basqarma tóraǵasy TURMAǴAMBETOV Májıt Ábdiqalyquly dúnıege keldi.

Almaty qalasynda týǵan. N.Baýman atyndaǵy Máskeý joǵary tehnıkalyq ýchılışesin ınjener-tehnolog mamandyǵy boıynsha bitirgen.

1984-1989 jyldary - Kırov atyndaǵy Mashına jasaý zaýytynyń sheberi, tseh bastyǵynyń orynbasary. 1989-1991 jyldary - «Damıs» ShK dırektorynyń orynbasary. 1991-1992 jyldary - «Qazaq jyljymaıtyn múlikter ortalyq bırjasy» AQ is basqarýshysynyń orynbasary. 1992-1996 jyldary - «Damıs-93» fırmasynyń bas dırektory. 1996-1997 jyldary - «Almaz» zergerlik korporatsııasy» birlesken kásiporny bas dırektorynyń orynbasary, Qazaqstan Respýblıkasy Ekonomıka jáne saýda mınıstrliginiń Ónerkásip departamenti dırektorynyń orynbasary. 1997-1998 jyldary - «Qazfosfor» AAQ prezıdentiniń keńesshisi. 1998-2001 jyldary - Qazaqstan Respýblıkasy Ekonomıka jáne saýda mınıstrligi, Memlekettik kiris mınıstrligi Alkogol ónimderin óndirý jáne aınalymyn memlekettik baqylaý jónindegi komıteti tóraǵasynyń orynbasary. 2001-2002 jyldary - Qazaqstan Respýblıkasy Tabıǵı resýrstar jáne qorshaǵan ortany qorǵaý vıtse-mınıstri. 2003-2004 jyldary - «Ulttyq ınnovatsııalyq qor» JAQ basqarmasy tóraǵasy. 2004-2006 jyldary - - «Astanaenergoservıs» AQ basqarmasynyń tóraǵasy. 2006-2007 jyldary - kommertsııalyq qurylymdarda basshylyq qyzmette. 2007-2008 jyldary - «Maksımým» aımaqtyq ınvestıtsııalyq ortalyq» JShS dırektory. 2008-2009 jyldary - Ońtústik-Qazaqstan oblysy ákiminiń orynbasary. 2009-2012 jyldary - QR Qorshaǵan ortany qorǵaý vıtse-mınıstri qyzmetterin atqarǵan. 2012 jyldyń qańtarynan bastap - qazirgi qyzmetinde.

«Qazaqstan Konstıtýttsııasyna 10 jyl», «Astanaǵa - 10 jyl» merekelik medaldarymen marapattalǵan.

5 2 jyl buryn (1962) Almaty qalasy Alataý aýdanynyń ákimi MANZOROV Baǵdat Saılanbaıuly dúnıege keldi.

Taldyqorǵan oblysynda týǵan. Qazaq memlekettik dene shynyqtyrý ınstıtýtyn, Qaraǵandy memlekettik kooperatıvtik ınstıtýtyn bitirgen.

1983-1985 jyldary jattyqtyrýshy, 1982-1992 jyldary - kooperatsııa organdarynda, Qaztutyný odaǵy basqarma tóraǵasynyń orynbasary bolyp jumys jasady. 1992-1999 jyldary - «Shaǵan» saýda úıi» JShS prezıdenti. 1999-2001 jyldary - Almaty oblysy Kóksý aýdany ákiminiń orynbasary. 2001-2004 jyldary - Almaty oblysy Aqsý aýdanynyń ákimi. 2004-2008 jyldary - «Aıser» JShS bas dırektory.

Qazirgi qyzmetinde - 2008 jylǵa shildeden beri.

8 3 jyl buryn (1931-2007) keńestik jáne reseı memleket jáne saıası qaıratkeri, Reseıdiń tuńǵysh prezıdenti ELЬTsIN Borıs Nıkolaevıch dúnıege keldi.

7 2 jyl buryn (1942) keńestik jáne reseı estrada ánshisi, RSFSR halyq ártisi LEŞENKO Lev Valerıanovıch dúnıege keldi.

4 9 jyl buryn (1965-1993) amerıkandyq kınoakter Brendon LI dúnıege keldi.