1,8 mln teńgeniń samaýrynyn Reseıge alyp ótpek bolǵan qazaqstandyq ustaldy

AQTÓBE. QazAqparat - Aqtóbelik shekarashylar qujatsyz samaýryndarymen Reseı aýmaǵyna ótpek bolǵan Qazaqstan azamatyn ustady, dep habarlaıdy QazAqparat Ulttyq qaýipsizidk komıtetiniń shekara qyzmetine silteme jasap.

«Aqtóbe shekara jasaǵyna qarasty Jaısań bólimshesinde «VANHOL» avtokóligin mingen 35 jastaǵy qazaqstandyq ustaldy. Onyń avtokóliginen eshqandaı ilespe qujaty joq samaýryndar tabyldy. Tústi metall synyqtary retinde áketilip bara jatqan samaýryndardyń jalpy salmaǵy - 861 kılogramm» delingen habarlamada.

Shekarashylardyń málimetinshe, bul samaýryndardyń metall synyǵy retindegi quny - 1 mln 845 myń teńge.