1,7 mlrd teńgeni jymqyrý faktisi – elordadaǵy áýejaıdyń bas býhgalteri tergelýde

NUR-SULTAN. QazAqparat – Elordada Nursultan Nazarbaev halyqaralyq áýejaıynyń bas býhgalteri men áýejaıdyń taǵy birneshe qyzmetkeri 1,7 mlrd teńge somasyndaǵy qarajatty jymqyrý faktisi boıynsha tergelýde, dep habarlaıdy QazAqparat tilshisi.

«Júzdegen mıllıon teńgeni jymqyrý faktileri boıynsha birqatar qylmystyq is tergelip jatyr. Mysaly «Nursultan Nazarbaev halyqaralyq áýejaıy» AQ-nyń bas býhgalteri, qyzmetkerleri men birqatar kásipkerlerge qatysty is qaralýda. Tergeý nusqasyna saı, olar Nur-Sultan qalasy boıynsha sybaılas jemqorlyqqa qarsy qyzmettiń laýazymdy tulǵalaryna qarjy-sharýashylyq qyzmetine tekserý júrgizbeý maqsatynda 16 mln teńge somasynda para berý jáne AQ-nyń 1,7 mlrd teńge somasyndaǵy qarajatty jymqyrý faktileri boıynsha tergelýde», - dedi QR Sybaılas jemqorlyqqa qarsy is-qımyl agenttigi Tergeý komıtetiniń bas tergeýshisi Danııar Bekaıdarov agenttikte ótken baspasóz máslıhatynda.

Qazirgi ýaqytta kúdiktilerge qatysty tergeý amaldary júrgizilip jatyr.