1,7 mlrd teńgeni jymqyrdy degen kúdikpen elordada fılarmonııanyń burynǵy eki qyzmetkeri qamaýǵa alyndy

NUR-SULTAN. QazAqparat – 1,7 mlrd teńgelik bıýdjet qarajatyn talan-tarajǵa saldy degen kúdikpen Nur-Sultan qalasy Memlekettik akademııalyq fılarmonııasynyń burynǵy eki qyzmetkeri qamaýǵa alyndy, dep habarlaıdy QazAqparat tilshisi.

«Nur-Sultan qalasy boıynsha Ekonomıkalyq tergeý departamentinde bıýdjet qarajatyn jymqyrý faktisi boıynsha elorda ákimdiginiń Memlekettik akademııalyq fılarmonııasy qyzmetkerlerine qatysty tergeý júrip jatyr. Anyqtalǵanyndaı, fılarmonııanyń burynǵy qyzmetkerleri 2013-2019 jyldar aralyǵynda 1,7 mlrd teńgelik bıýdjet qarajatyn negizsiz jumsaǵan», - dep habarlaıdy qalalyq Ekonomıkalyq tergeý departamentiniń baspasóz qyzmetinen.

Іske baılanysty eki kúdikti ýaqytsha oqshaýlaǵyshqa qamalǵan. QR Qylmystyq kodeksiniń 189-baby 4-bóligi 2-tarmaǵy (iri mólsherdegi senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi tergeý amaldary júrgizilip jatyr.