1,7 mln astam adam Erdoǵannyń Ystanbuldaǵy saılaýaldy mıtıngine qatysty

ASTANA. QazAqparat – Túrkııa prezıdenti jáne Halyq alıansynan prezıdenttikke kandıdat Rejep Taııp Erdoǵan jeksenbi kúni Ystanbulda saılaýaldy mıtıng ótkizdi. Bul týraly QazAqparat Euronews-ke silteme jasap habarlaıdy.

Resmı málimet boıynsha oǵan 1,7 mıllıonnan astam adam qatysty.

Túrkııada ótkizilgen keıingi saýalnamalarǵa sáıkes, Erdoǵan 14 mamyrda ótetin prezıdenttik saılaýda oppozıtsııa kóshbasshysy Kemal Kylychdaroglýdan keıin tur.

Sondaı-aq R.Erdoǵan senbi kúni Kaıserı turǵyndarynyń aldynda sóz sóıledi. Anadoly agenttiginiń jazýynsha, el basshysy Túrkııa sońǵy 20 jylda respýblıka aıaqqa tura bastaǵan keıingi 80 jylmen salystyrǵanda anaǵurlym jetistikke jetkenin atap ótti.

«Munyń bári – bıliktiń ǵana emes, Túrkııanyń bútin 82 mln halqynyń jetistigi», - dedi ol.