1-7 aqpan - Úılesimdi konfessııaaralyq qarym-qatynastardyń búkilálemdik aptalyǵy
ASTANA. 1 aqpan. QazAqparat - Úılesimdi konfessııaaralyq qarym-qatynastardyń búkilálemdik aptalyǵyn álemdik qaýymdastyq alǵash ret 2011 jyldyń 1-7 aqpany kúnderi aralyǵynda atap ótti.
Merekeni budan ári jyl saıyn aqpan aıynyń alǵashqy aptasynda atap ótý sheshimi qabyldandy.
2010 jyldyń 20 qazany kúni ótken BUU Bas assambleıasynyń 34-shi plenarlyq otyrysynda adamdar arasyndaǵy ózara túsinistikti, kelisimdi jáne yqpaldastyqty nyǵaıtý maqsatynda túrli konfessııalar men dinder arasyndaǵy dıalogty damytý qajettigi atap ótildi. Buǵan qoldaý bildirý maqsatynda aqpannyń alǵashqy aptasyn Barlyq dinder, senimder men konfessııalar arasyndaǵy úılesimdi qarym-qatynastardyń búkilálemdik kúni etip jarııalaǵan qarar qabyldandy.
Birikken ulttar uıymy barlyq memleketterdi osy apta boıy erikti negizde konfessııaaralyq úılesimdik pen izgi nıet ıdeıasyn taratýǵa shaqyrady. Іs-sharalar shirkeýlerde, meshitterde, sınagogalar jáne ózge de qulshylyq etý úılerinde ótkiziledi.
