1,5 tonnadan astam azyq-túlik satylymnan alynyp tastaldy

NUR-SULTAN. QazAqparat - Bıylǵy jyldyń 2 aıynda ónim qaýipsizdigi monıtorıngi sheńberinde respýblıka boıynsha 10 430 ónim synamasy zertteýden ótti. Onyń ishinde sáıkes kelmeıtin 1818 synama anyqtaldy, bul - jalpy ónimderdiń 17,4%-y, dep habarlaıdy QazAqparat qoǵamdyq densaýlyq saqtaý komıtetine silteme jasap.

«Negizinen tehnıkalyq reglament talaptarynyń buzylǵany belgili boldy. Onyń ishinde óndirýshilerdiń tańbalaý erejelerin buzýy - 74,4 %, qaýipsizdik talaptaryna sáıkes kelmeý - 12,1%, sondaı-aq aıtylǵan qasıetterge nemese fızıkalyq-hımııalyq kórsetkishterge sáıkes kelmeý - 13,5 %, bul - tutynýshylardy aldaý bolyp tabylady» delingen komıtettiń habarlamasynda.

Sáıkessizdik tamaq ónimderiniń mynadaı taýarlyq toptarynda anyqtaldy: et ónimderi - 18,1%, qus eti - 12,8%, balyq - 10,2%, maı ónimi - 2,8%, sút ónimderi - 11,1%, kondıterlik ónimder - 13,7%, aspazdyq ónimder -3,4%, nan ónimderi - 1,3%, un jáne un tartý ónimderi - 5,8%, kókónister men jemister - 8,5%, konservilengen ónimder - 6,0%, shyryn ónimderi - 2,2%, alkogoldi sýsyndar - 1,2%, BBQ - 0,5% jáne t.b.

Anyqtalǵan kemshilikter boıynsha kásipkerlik sýbektilerine joıý tártibin mindetti túrde túsindire otyryp, 334 nusqama berildi.

Jospardan tys tekserý kezinde sáıkes kelmeıtin ónimdi anyqtaý faktileri boıynsha ákimshilik quqyq buzýshylyq týraly 130 is qozǵalyp, 9 mln teńgeden astam aıyppul salyndy. 1,5 tonnadan astam sáıkes kelmeıtin ónim, sonyń ishinde tamaq ónimi satylymnan alynyp tastaldy.