1,5 tonna marıhýana daıyndaǵan azamat ustaldy - ІІM
ASTANA. 14 tamyz. QazAqparat - 1,5 tonna marıhýana daıyndaǵan azamat ustaldy. Bul týraly búgin aptalyq brıfıng barysynda QR Іshki ister mınıstrliginiń resmı ókili Nurdildá Oraz málim etti.
«Delta-Dolına» óńiraralyq esirtki bıznesine qarsy kúres bóliminiń qyzmetkerleri Keńes aýylynyń «Qyrsymbal» qumdy aýmaǵynda 32 jastaǵy Almaty qalasynyń turǵynyn qolǵa túsirdi. Odan salmaǵy bir jarym tonna marıhýana tárkilendi», - dedi resmı ókil.
Onyń aıtýynsha, atalǵan fakti boıynsha QR QK-niń 259 baby boıynsha qylmystyq is qozǵaldy. Jasalǵan qylmys úshin 3 jyldan 7 jylǵa deıingi merzimge bas bostandyǵynan aıyrý jazasy taǵaıyndalýy múmkin. Qazirgi tańda esirtki zattarynyń tasymaldaý arnasyn anyqtaý maqsatynda keshendi túrde jedel-izdestirý, arnaıy jáne tergeý sharalary júrgizilýde.
