1,5 myń aýyldyq jerde mektep joq - QR BǴM
ASTANA. 26 tamyz. QazAqparat - Búgingi kúni QR 1 590 aýyldyq eldi mekende mektep joq.
«Onda mekendeıtin mektep jasyndaǵy bala sany 34 817, sonyń ishinde 10 bala densaýlyq jaǵdaıyna baılanysty mektepke bara almaıdy»,-delingen QR Bilim jáne ǵylym mınıstrliginiń taratylǵan málimetinde.
29 707 (85,3 paıyz) oqýshylar úshin tasymaldaý uıymdastyrylǵan, sonyń ishinde 2 969 (8,5 paıyz) bala mektep janyndaǵy ınternatqa jáne úıine aptasyna bir ret jáne 26 738-i (76,8 paıyz) kún saıyn tasymaldanady.
Balalardy tasymaldaý 1443 avtobýspen júzege asyrylady, sonyń ishinde 732 (51 paıyz) avtobýs mektepterdiń menshiginde, 220 (15 paıyz) - ákimdikterge, 143 (10 paıyz) - sharýashylyqtarǵa jáne 348 (24%) - ózge menshik ıelerine tıesili.
