1,5 keli altyn tyqqan ázerbaıjandyq ustaldy
ASTANA. QazAqparat - Baıkal óńirinde shyryn qorabynda 1,5 kg altyn tyqqan Ázerbaıjan azamaty ustaldy. Er azamatqa qatysty qylmystyq is qozǵaldy.
Bul jaıly dúısenbi kúni RF Shyǵys Sibir kólik prokýratýrasynyń baspasóz qyzmeti habarlady.
«Kólik prokýratýrasynyń qyzmetkerleri bul azamatty Novaıa Chara stantsııasynyń vokzalynda ustaǵan. Ol prokýratýra qyzmetkerlerinen qashýǵa árekettengen. Tekserý barysynda onyń sómkesinen jalpy quny 2,7 mln rýbldi quraıtyn 1,5 kg altyn salynǵan shyryn qoraby tabyldy», - dep málim etti vedomstvo qyzmetkerleri.
Baspasóz qyzmetiniń málimdeýinshe, er adam baǵaly metaldy aýyldardyń birinen taýyp alyp, bolashaqta qajetine jaratýǵa saqtap qoıǵandyǵyn aıtqan.
RF QK-iniń 191-baby 1-bólimi («Baǵaly metaldardy zańsyz saqtaý») boıynsha qylmystyq is qozǵaldy. Zań babynyń sanktsııasy 500 myń rýblge deıingi aıyppulmen bes jylǵa deıin bas bostandyǵynan aıyrý jazasyn kózdeıdi.
