1,4 mln qazaqstandyq ataýly áleýmettik kómek alady
"Ataýly áleýmettik kómek alý sharttarynyń biri eger otbasydan jumysqa qabiletti tulǵa bolsa, onda áleýmettik kelisimshart jasaý bolyp sanalady. Búgingi kúni Qazaqstan boıynsha ataýly áleýmettik kómekti 1,4 mln adam alady. Bul shamamen 285 myń otbasy", - dedi mınıstr Ortalyq kommýnıkatsııalar qyzmetindegi brıfıngte.
Berdibek Saparbaevtyń aıtýynsha, olardyń ishinde 385 myń adam jumys isteýge qabiletti.
"Olar áleýmettik kelisimshart jasasyp, jumys isteýleri tıis. Jumys jergilikti jerlerde usynylady. Biz bos jumys oryndary men jumys surap júrgen tulǵalar sanyn saraptaǵan edik. Bos jumys oryndary kóp bolyp shyqty. Eger qazirgi ýaqytta ataýly áleýmettik kómekke 110 myń teńge alyp, usynylǵan jumys jalaqysy 80-90 myń teńge bolsa, onda sol jumysqa barýǵa kelisý qajet", - dedi ol.
