1-2 qańtarda Qazaqstan-Qytaı shekarasyndaǵy avtomobıl pýnkteri jabyq bolady
ASTANA. QazAqparat – 2023 jylǵy 1 jáne 2 qańtarda Qazaqstan-Qytaı shekarasyndaǵy avtomobıl ótkizý pýnkteri istemeıdi, dep habarlaıdy QazAqparat Memlekettik kirister komıtetiniń baspasóz qyzmetine silteme jasap.
«Memlekettik kirister komıteti Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy ótkizý pýnkteri týraly kelisimge sáıkes, mereke kúnderine baılanysty 2023 jylǵy 1, 2 qańtarda Qazaqstan-Qytaı shekarasyndaǵy avtomobıl ótkizý pýnkterinde tulǵalardy, kólik quraldary men júkterdi ótkizý júzege asyrylmaıtynyn habarlaıdy.
Qazaqstan-Qytaı shekarasyndaǵy temirjol ótkizý pýnkteri shtattyq rejımde jumysyn jalǵastyrady.
Tasymaldaýshylardy jáne barlyq shekarany kesip ótýge nıet bildirýshilerdi engizilgen shekteýlerdi eskere otyryp, óz baǵyttaryn aldyn ala josparlaýdy suraımyz», - delingen resmı habarlamada.
