1-2 qańtar - Qazaqstan Respýblıkasynda Jańa jyl merekesi
ASTANA. 1 qańtar. QazAqparat - Jańa jyldy atap ótý dástúri bizdiń dáýirimizge deıingi úshinshi myńjyldyqta Mesopotamıde paıda bolǵan.
Derekterge súıensek, jyldyń 1 qańtardan bastalýy b.d. deıingi 46 jyly rım basshysy ıÝlıı Tsezarmen belgilengen. Ejelgi Rımde bul kún tańdaýlar, esikter jáne barlyq bastaýlardyń qudaıy - ıAnýstyń qurmetine arnalǵan.
Kóptegen elder Jańa jyldy 1 qańtar kúni, grıgorıan kúntizbesi boıynsha jyldyń birinshi kúninde atap ótedi. Saǵat beldeýine baılanysty Jańajyldyq merekeler alǵashqy bolyp Tynyq Muhıtynda Kırıbatı araldarynda bastalady. Al eski jyldy eń sońǵy bolyp Tynyq muhıtyndaǵy Mıdýeı araly shyǵaryp salady.
Qazaqstanda Jańa jyl merekesi 1-2 qańtarda atap ótiledi jáne olar demalys kúnderi bolyp tabylady.
Jańa jyl Qazaqstandaǵy eń tanymal merekelerdiń biri. Ony qarsy alý sharalary 31 jeltoqsannyń keshinen bastalady. Jańa jyl qarsańynda dástúr boıynsha el Prezıdenti halyqqa quttyqtaýyn joldaıdy.
