1,1 mlrd teńgeni jymqyrǵany úshin memleketaralyq izdeý jarııalanǵan kúdikti ustaldy
Bul jaıynda Qarjylyq monıtorıngi agenttiginiń baspasóz qyzmeti málim etti.
Ánýarbek Bolatuly Jeksenǵalıevti Almaty qalalyq ekonomıkalyq tergeý departamentiniń qyzmetkerleri ustaǵan.
Eske sala keteıik, Á. Jeksenǵalıevke 1,1 mlrd teńge bıýdjet qarajatyn jymqyrdy degen aıyp taǵylǵan.
Osydan bir aı buryn oǵan memleketaralyq izdeý jarııalanǵan bolatyn.
«Qarjylyq monıtorıng agenttigi kásipker Jeksenǵalıev Ánýarbek Bolatuly jáne Medetbekov Erkin Qalqabaıulyna izdeý jarııalady. Olar 1,1 mlrd teńge somasynda bıýdjet qarajatyn jymqyrdy degen kúdikke ilindi. Kúdiktiler bıýdjet qarajatyn jymqyrýdy aldyn ala sóz baılasý arqyly top bolyp uıymdastyrǵan» delingen habarlamada.
Sondaı-aq, agenttik izdeý salynǵan azamattarǵa qatysty aqparat úshin aqshalaı syıaqy qarastyrylǵanyn jetkizdi.
