1,1 mlrd teńge bıýdjet qarjysyn jymqyrǵan eki qazaqstandyqqa izdeý salyndy

NUR-SULTAN. QazAqparat – Іri kólemde memleket bıýdjetin jymqyrǵan Qazaqstannyń 2 azamatyna izdeý salyndy, dep habarlaıdy QazAqparat tilshisi Qarjylyq monıtorıng agenttigine silteme jasap.

«Qarjylyq monıtorıng agenttigi kásipker Jeksenǵalıev Ánýarbek Bolatuly jáne Medetbekov Erkin Qalqabaıulyna izdeý jarııalady. Olar 1,1 mlrd teńge somasynda bıýdjet qarajatyn jymqyrdy degen kúdikke ilindi. Kúdiktiler bıýdjet qarajatyn jymqyrýdy aldyn ala sóz baılasý arqyly top bolyp uıymdastyrǵan», - delingen habarlamada.

Sondaı-aq, agenttik izdeý salynǵan azamattarǵa qatysty aqparat úshin aqshalaı syıaqy qarastyrylǵanyn jetkizdi.

Sol sııaqty habarlaǵan adamnyń aty-jóni jasyryn qalatynyna kepildik beriledi.

«Aıyptylardy anyqtaǵan nemese olardyń ornalasqan jeri týraly yqtımal aqparatty bilgen jaǵdaıda agenttiktiń [phone], [phone] nómirli senim telefondary arqyly nemese Nur-Sultan qalasy Beıbitshilik kóshesi, 10 mekenjaıyna habarlasýdy suraımyz», - deıdi vedomstvodan.