1,1 mln teńge jalaqy: Teńiz kenishindegi statsıonarǵa jumysqa shaqyrǵan aqparat jalǵan - TShO
ATYRAÝ. QazAqparat –Atyraýda Teńiz kenishindegi provızorlyq statsıonarǵa jumysqa shaqyrǵan jalǵan aqparat tarady, dep habarlaıdy QazAqparat.
WhatsApp jelisinde taraǵan aqparattyń jalǵan ekenin «Teńizshevroıl» JShS medıtsınalyq qyzmetiniń dırektory Boranbaı Mátjanov rastady.
Onda 20 dáriger, 20 medbıke jáne 40 sanıtar qajettigi kórsetilgen.
«Eńbekaqy dárigerlerge -1 100 000, medbıkelerge -950 000, sanıtarlarǵa -900 000 teńge. Kelisimshart merzimi –2 aı, odan ári 14 kún karantın. Jol júrý, tamaqtaný, jatyn ornynyń shyǵyny tapsyrys berýshiniń esebinen», -delingen jalǵan aqparatta.
