1 000-nan asqan: Almaty polıtsııasy jańa jol belgilerin ornatyp jatyr

ALMATY. KAZINFORM — Almatyda «Qaýipsiz jol» respýblıkalyq jedel-aldyn alý is-sharasy aıasynda kóshe jáne jol ınfraqurylymyn damytý boıynsha jumys júrip jatyr.

Ákimshilik polıtsııa basqarmasynyń bastyǵy Ashat Qulbaevtyń aıtýynsha, jyl basynan beri qalada 1 myńnan astam jańa jol belgileri ornatylyp, 352 jol belgisi aýystyrylǵan. Sonymen qatar qalanyń 20 kóshesinde 30 500 sharshy metr aýmaqqa jol belgilerin salý boıynsha aýqymdy jumystar júrgizildi.

Al 75 jaıaý júrginshiler ótkelinde, ásirese mektep pen balabaqshalardyń janynda, jalpy aýdany 1 680 sharshy metr bolatyn jaıaý júrginshiler jolaǵy jańartyldy.

— Jol ınfraqurylymyn jaqsartý — jol apatynyń aldyn alýǵa kómektesetin negizgi sebepterdiń biri. Balalardyń joldaǵy qaýipsizdigi — birinshi kezektegi mindet. Sondyqtan biz bilim berý uıymdarynyń oqýshylary men tárbıelenýshileri kún saıyn júretin jerlerge erekshe nazar aýdaramyz, - dedi Ashat Qulbaev.

Eske salaıyq, Almatyda nómirsiz júrgen 70-ten astam júrgizýshi jazalanǵanyn jazǵanbyz.