«07-20-25» baǵdarlamasy jańa baspanalardy ǵana qamtýy tıis - Oljas Qudaıbergenov
Bul pikirdi Center for Strategic Initiatives aǵa seriktesi Oljas Qudaıbergenov QR Prezıdenti janyndaǵy Strategııalyq zertteýler ınstıtýtynda Elbasy bastamalaryn talqylaý jıynynda aıtty, dep habarlaıdy QazAqparat tilshisi.
«Alyp-satarlyq nátıjege jol bermeý úshin baǵdarlama 100% jańa baspanaǵa baǵyttalýy tıis. ıAǵnı, qaıta satylymǵa shyǵarylatyn baspanalar bul baǵdarlamaǵa enbeýi kerek, áıtpese qoldaǵy baspanalar arasynda alyp-satarlyq kóbeıedi", - dedi Oljas Qudaıbergenov.
Sondaı-aq, sarapshy baǵdarlamada suranys pen usynysty durys ushtastyra alatyn mehanızmderdi josparlaý qajettigin jetkizdi.
«Eger usynysty kóbeıter bolsaq, qurylys materıaldary men jer telimderi qymbattaıdy. Mundaı aýqymdy baǵdarlama jarııalanǵanda, únemi qosymsha mehanızmderdi engizý qajet. Árıne, Memleket basshysy barlyǵyn óz úndeýinde aıta almaıdy, munyń barlyǵyn keıinirek jetildirý kerek", - dep óz sózin túıindedi O. Qudaıbergenov.
Foto: primeminister.kz
