Jańbyr, naızaǵaı, tuman: Búgin elimizdiń basym bóliginde aýa raıy qandaı bolady

«Qazgıdromet» RMK-sy qyrkúıektiń 20-sy kúngi aýa raıy boljamyn jarııalady, dep habarlaıdy QazAqparat.

Kásiporyn taratqan derekterge qaraǵanda, 20-qyrkúıek kúni

respýblıkamyzdyń batys aımaqtaryna antıtsıklon yqpalynyń áserinen kún jaýyn-shashynsyz bolady. Al elimizdiń basqa aımaqtarynda atmosferalyq frontaldy bólikterdiń ótýine baılanysty kún qubylyp turady, ıaǵnı jańbyr jaýyp, naızaǵaı oınady. Elimizdiń ońtústik-shyǵysynda qatty jańbyr jaýady, ońtústik-shyǵysyndaǵy taýly aýdandarda jańbyr, qar aralas jańbyr jaýady.

Respýblıka boıynsha ekpindi jel turyp, tuman túsedi, túnde elimizdiń ońtústiginde shańdy daýyl turady.

Qyzylorda oblysynyń ortalyǵynda, shyǵysynda, ońtústiginde, Qaraǵandy, Ulytaý oblysynyń ońtústiginde tótenshe órt qaýpi saqtalady.

Jambyl, Túrkistan oblysynyń shóldi aýdandarynda, Almaty oblysynyń soltústik jartysynda joǵary órt qaýpi kútiledi.