Aleksandr Býblık juptyq synda Qytaıdaǵy jarystyń shırek fınalyna ótti
Qazaqstandyq Aleksandr Býblık juptyq synda Chendý (Qytaı) ATP 250 týrnıriniń shırek fınalyna ótti, dep habarlaıdy QazAqparat tilshisi.
Qazaqstandyq tennısshi serbııalyq Mıomır Ketsmanovıchpen birge bastapqy kezdesýin kolýmbııalyq Danıel Elahı Galan – Perý ókili Hýan Pablo Varılıaspen sátti ótkizdi.
Birinshi partııada Býblık – Ketsmanovıch 6:4 esebimen basym tússe, ekinshi sette tipti bet qaratpady – 6:0. Bir saǵatqa jýyq ýaqytqa sozylǵan báseke barysynda olar 1 eıspen birge 7 breık-poınttyń tórteýin óz esebine jazdy.
A.Býblık – M.Ketsmanovıchtiń shırek fınaldaǵy qarsylastary keıin anyqtalady.
Qazaqstandyq tennısshi júlde qory 1,1 mln AQSh dollarynan asatyn jarysta jekeleı synda da óner kórsetedi.
Álemniń 29-raketkasy A.Býblıktiń alǵashqy qarsylasy – dúnıejúzilik reıtıngte 64-satyda turǵan amerıkalyq Markos Gıron.
Eske sala keteıik, budan buryn ıÝlııa Pýtıntsevanyń Qytaıdaǵy týrnırdi jeńispen bastaǵanyn jazǵan bolatynbyz.
