Almatyda Abaı oblysynyń aýylsharýashylyq jármeńkesi ótedi

Almatyda aldaǵy demalys kúnderi, ıaǵnı 23-24 qyrkúıek kúnderi saǵat 08:00-den 17:00-ge deıin Abaı oblysy aýyl sharýashylyǵy taýar óndirýshileriniń keńeıtilgen jármeńkesi ótedi, dep habarlaıdy QazAqparat tilshisi.

Almaty ákimdiginiń málimetinshe, jármeńkege Abaı oblysynyń alty aýdany men Semeı qalasynyń fermerleri qatysady.

«Jármeńkede 40-tan astam ónim – et-sút, jemis-kókónis, shujyq ónimderi, ósimdik jáne janýar maılary jáne t.b. usynylady. Ónimniń jalpy kólemi – 180 tonna. Onyń ishinde et ónimderi – 30 tonna, jemis, kókónis ónimderi – 120 tonna, sút ónimderi – 15 tonna, balyq ónimderi – 5 tonna, basqalary – 10 tonna», - dep habarlady ákimdiktiń baspasóz qyzmeti.

Aýyl sharýashylyǵy jármeńkesi qaladaǵy Sh.Ýálıhanov alańynda (Shevchenko kóshesiniń Qonaev pen Pýshkın kósheleriniń arasy) ótedi.