Búgin Qazaqstannyń 11 qalasynda aýa lastanady

Búgin Qazaqstannyń 11 qalasynda jaısyz meteorologııalyq jaǵdaı qalyptasyp, aýa lastanady, dep habarlaıdy QazAqparat «Qazgıdromet» RK-na silteme jasap.

«2023 jylǵy 19 qyrkúıekte Aqtóbe, Almaty, Astana, Pavlodar, Qaraǵandy, Temirtaý, Rıdder, Semeı, Óskemen, túnde 19 qyrkúıekte Atyraý, Petropavl qalalarynda aýanyń lastanýynyń qolaısyz meteorologııalyq jaǵdaılary qalyptasady»,- delingen habarlamada.

Qolaısyz meteorologııalyq jaǵdaı – atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.

QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.