Tselınograd

«QazAqparat» HAA «Tarıhı foto» aıdaryn usynady. Búgin redaktsııa Tselınograd qalasy týraly áńgimeleıdi.

1961 jyly 20 naýryzda Soltústik Qazaqstan jáne Ońtústik Sibirdiń tyń jerlerin jalpyodaqtyq ıgerý ortalyǵy retindegi Aqmola qalasynyń ataýy Tselınograd bolyp ózgertildi. Aqmola eldi astyqpen qamtamasyz etýde búkilodaqtyq mańyzy bar Tselınograd ólkesiniń ortalyǵy edi.

Buryn Tselınogradta Qazaqstandaǵy eń iri aýylsharýashylyq mashınalaryn qurastyrý zaýyty «Tselınselmash» óndiristik birlestigi (burynǵy ataýy – KSRO-nyń 50 jyldyǵy atyndaǵy zaýyt), sondaı-aq jel erozııasyna ushyraǵan aýdandarǵa arnalǵan aýylsharýashylyq mashınalaryn shyǵaratyn «Qazaqselmash» zaýyty ornalasqan.

1960 jyldardan bastap munda kúrdeli qurylys jumystary bastaldy. 1961-62 jyldardaǵy bas jospar boıynsha (jobanyń bas sáýletshisi G.ıA. Gladshteın) qalanyń ońtústik-shyǵysyndaǵy bos jerlerge tıptik jobalar boıynsha kópqabatty úıler salynǵan jańa turǵyn úı aýdandar quryldy.