Úkimet kómir eksportyn óndirýshi kásiporyndarǵa basymdyq berý arqyly rettemek

Halyqqa qajetti kómirdiń 28,3 paıyzy ǵana tıep jóneltilgen. Ónerkásip jáne qurylys mınıstri Qanat Sharlapaev Úkmiet otyrysnyda osyndaı derek keltirdi, dep habarlaıdy QazAqparat. 

«Bıylǵy jylytý kezeńinde kómir ónimine qajettilik – 9,1 mln tonna. Onyń ishinde kommýnaldyq-turmystyq qajettilikterge - 2,3 mln tonna, halyqqa – 6,8 mln tonna kómir kerek.

Búginde kommýnaldyq-turmystyq qajettilikterge jáne halyqqa shamamen 2,6 mln tonna kómir jóneltildi. Jyldyq jospardyń oryndalýy 28,3% ǵana.
Áleýmettik kómirdiń syrtqa ketýin boldyrmaý maqsatynda mınıstrlik kómirdi avtomobıl kóligimen áketýdi shekteý jóninde sharalar qabyldady», - dedi mınıstr.

Vedomstvo basshysy kómir óndirýge kelisimsharttary jáne lıtsenzııalary bar kómir óndirýshi kásiporyndar men solarǵa úlestes saýda kompanııalaryna kómir eksportynda aıryqsha quqyq belgileý týraly Úkimet qaýlysy qabyldanatynynyn atap ótti.