Álem chempıonaty: Jámılá Baqbergenova qola júldeger atandy
Serbııa astanasy Belgrad qalasynda kúres túrlerinen ótip jatqan álem chempıonatynda Jámılá Baqbergenova (72 keli) qola júldeger atandy, dep habarlaıdy QazAqparat tilshisi.
Qazaqstandyq balýan 3-oryn úshin polshalyq Natalııa Strzalkamen sheberlik baıqasty. Nátıjesinde qarsylasynan 4:1 esebimen basym tústi.
Aıta ketsek, Jamıla Baqbergenovv 2021 jáne 2022 jyldary álem chempıonatynda kúmis júldeger atanǵan edi. Sondaı-aq úsh márte Azııa chempıonatynda top jardy.
Eske salsaq, budan buryn el quramasynan Rızabek Aıtmuqan erkin kúresten álem chempıony atanǵan bolatyn.
Al Azamat Dáýletbekov (86 keli) álem birinshiliginde qola medal aldy.
