Qanat Sharlapaev: Men otanyma oralǵan qandaspyn

Úkimet otyrysynan keıin ótken baspasóz máslıhatynda Ónerkásip jáne qurylys mınıstri Qanat Sharlapaev qazaq tilin meńgerý úshin aptasyna neshe ret kýrsqa baratynyn aıtty, dep habarlaıdy QazAqparat.

«Men qazir ózim qazaq tilin meńgerip jatyrmyn. Aptasyna 5 ret sabaq alam, muǵalim keledi, sonymen qazaqsha sabaq oqımyn. Eń aldymen, men eshqandaı bóten, ózge adam emespin. Men Qazaqstanǵa qaıtyp kelgen qandaspyn», - dedi mınıstr BAQ ókiliniń suraǵyna bergen jaýabynda.

Sondaı-aq, ol mınıstrlik laýazymǵa eshqandaı komandamen kelmegenin atap ótti..

«Báıterekte» jumys istegende qandaı áriptesterim boldy – olardyń bári sonda qaldy. Osy mınıstrlikte de solaı bolady. Vıtse-mınıstrlerimniń ishinde eshkimdi aýystyrmaımyn. Jumys biletin adamdarmen birge isteımin», - dedi Qanat Sharlapaev.