Jerge úlken asteroıd qulaýy múmkin

NASA ǵalymdary 159 jyldan keıin Jerge alyp asteroıd qulaýy múmkin degen boljam jasady. QazAqparat bul týraly  New York Post basylymyna silteme jasap habarlaıdy. 

Ǵalymdardyń esepteýinshe, asteroıd Jerdiń Tehas shtatyndaǵydaı aýmaqty joıýy múmkin.

Benný – Jer orbıtasyna shamamen ár alty jyl saıyn shyǵatyn Jerge jaqyn nysan. 1999 jyly alǵash ret anyqtalǵannan beri ǵarysh agenttiginiń baqylaýyna alynǵan.

Ǵalymdardyń aıtýynsha, Benný Jerge 1999, 2005 jáne 2011 jyldary jaqyndaǵan.

2135 jyldyń 25 qyrkúıeginde Benný Jerdiń janynan ushyp ótedi jáne NASA málimetinshe, onyń 2182 jyly, ıaǵnı sodan 159 jyldan keıin Jermen soqtyǵysý múmkindigi shamaly.

OSIRIS-REx ǵylymı tobynyń maqalasynda 2182 jyldyń 24 qyrkúıeginde Bennýnyń Jermen soqtyǵysý yqtımaldyǵy bar bolǵany 0,037%.

Earth.com saıtynyń málimetinshe, asteroıdtyń soǵýy jer betiniń úlken aýmaǵyn joıyp, shamamen 22 atom bombasynyń energııasyn shyǵarýy múmkin.