Ushaq bortynda 17 jasar qyzdyń qaıtys bolýyna baılanysty is qozǵaldy
Qazannan Antalııaǵa ushyp bara jatqan ushaq bortynda 17 jasar qyzdyń qaıtys bolýyna baılanysty is qozǵaldy, dep habarlaıdy QazAqparat tilshisi.
QR ІІM Kóliktegi polıtsııa departamentiniń baspasóz qyzmetinen málim etkendeı, 17 qyrkúıek kúni Oral stantsııasyndaǵy jelilik polıtsııa bólimi zorlyq-zombylyq belgileri joq ólim deregi boıynsha sotqa deıingi tergep-tekserýdi bastady.
«Basqa aqparat QR Qylmystyq is júrgizý kodeksiniń 201-babyna sáıkes tergeý múddesine oraı jarııalaýǵa jatpaıdy» dep habarlady vedomstvodan.
Eske sala keteıik, budan buryn Oralǵa qonǵan ushaqta 17 jasar qyzdyń kóz jumǵanyn jazǵan bolatynbyz.
Ushaq 17 qyrkúıek kúni jergilikti ýaqyt boıynsha saǵat 12.44-te Qazannan Antalııaǵa ushyp shyqqan.
Ushý kezinde 17 jasar múgedek qyzdyń júregi toqtap qalǵan. Osy reıspen kele jatqan eki dáriger qyzdyń júregine massaj jasap, jasandy demaldyrǵanymen, odan eshteńe shyqpady.
