Rıdderde jalǵyz qazaq mektebi jabylǵany ras pa

Shyǵys Qazaqstan oblysynyń Bilim basqarmasy Rıdder qalasyndaǵy jalǵyz qazaq mektebi jabyldy degen aqparattyń shyndyqqa sáıkes kelmeıtinin málim etti, dep habarlaıdy QazAqparat tilshisi.

Búgin áleýmettik jelide Rıdderde ornalasqan memlekettik tilde oqytatyn jalǵyz mekteptiń jabylǵany jaıly aqparat tarady. Oblystyq Bilim basqarmasynyń málimetinshe, bul shyndyqqa sáıkes kelmeıdi.

Shańyraq» kópbeıindi mektep-gımnazııasynyń ǵımaratyna kúrdeli jóndeý jumystarynyń qajettiligine baılanysty oqýshylar basqa mektepke kóshirildi. Qazir olar qaladaǵy №11 mektepke baryp oqyp jatyr. Onda oqýshylardyń bilim alýyna barlyq jaǵdaı jasalǵan. Memlekettik bilim berý standarty oryndalýda, - dep habarlady basqarmadan.

Qazirgi ýaqytta Rıdderde jańa mekteptiń qurylysy júrgizilip jatyr. Jospar boıynsha ol 2024 jyly salynyp bitpek. Bilim ordasy memlekettik tilde oqytatyn bolady.