«Amanat» partııasy Májilis depýtattyǵyna Vera Kımdi usyndy

«Amanat» partııasy Májilis depýtatynyń bos laýazymyna Vera Kımdi usyndy, dep habarlaıdy QazAqparat.

«Saıası keńes bıýrosynyń qaýlysymen Parlament Májilisi depýtatynyń partııalyq tizim boıynsha bos mandaty Kım Vera Aleksandrovnaǵa berildi. Tıisti sheshim QR Ortalyq saılaý komıssııasyna jiberildi», - delingen partııa málimetinde.

Vera Aleksandrovna Kım 1982 jyly Pavlodar oblysynda dúnıege kelgen.

2003 – 2012 jyldar aralyǵynda Pavlodar qalalyq áleýmettik-volonterlik ortalyǵynda, «Áleýmettik-volonterlik ortalyǵy» jastar qoǵamdyq birlestiginde, «Qazaqstannyń Azamattyq alıansy» zańdy tulǵalar birlestiginde túrli qyzmet atqardy.

2012 jyly «Ulttyq volonterlik jelisi» zańdy tulǵalar birlestiginiń tóraǵasy.

2017-2021 jyldary «Zhasproject» jastar korpýsyn damytý jobasynyń úlestirý agenttiginiń basshysy.

2021 – 2023 (qańtar) jyldar aralyǵynda – «Amanat» partııasy atynan Májilistiń VII shaqyrylym depýtaty.