Qasym-Jomart Toqaev Portýgalııa Prezıdenti Marselý Rebelý de Soýzamen kelissóz júrgizdi

Qasym-Jomart Toqaev Portýgalııa Prezıdenti Marselý Rebelý de Soýzamen kelissóz júrgizdi, dep habarlaıdy QazAqparat Aqordanyń baspasóz qyzmetine silteme jasap.

Memleketter basshylary eki eldi dostyq qatynastar men ózara tıimdi yntymaqtastyq baılanystyratynyn atap ótti.

Taraptar ınvestıtsııa, sý resýrstaryn basqarý, týrızm jáne basqa da salalardaǵy jan-jaqty qatynastardy odan ári arttyrý úshin zor áleýet bar ekenin aıtty.

Tsıfrlandyrý salasyndaǵy ózara is-qımyldy nyǵaıtý máselelerine erekshe nazar aýdaryldy.

– Sizdiń eldiń IT salasyndaǵy tájirıbesi mol. Osy baǵyttyń bolashaǵy zor ekenin eskere otyryp, men Lıssabonǵa birlesken jobalardy iske asyrý múmkindigin zerdeleý úshin arnaıy delegatsııa jiberemin. Qazaqstan portýgalııalyq seriktestermen tyǵyz baılanys ornatýǵa múddeli, – dedi Qazaqstan Prezıdenti.

Sonymen qatar taraptar halyqaralyq kún tártibindegi ózekti máselelerdi talqylady.

Jahandyq uıymdar aıasynda, eń aldymen, BUU sheńberinde ózara is-qımyldy jalǵastyrý týraly ýaǵdalastyqqa qol jetkizildi.