Fýtzaldan ÁCh: Qazaqstan quramasy irikteý kezeńinde ekinshi ret jeńiske jetti

Qazaqstan quramasy fýtzaldan 2024 jylǵy álem chempıonaty elıtalyq irikteý kezeńindegi ekinshi oıynyn Rýmynııaǵa qarsy ótkizdi, dep habarlaıdy QazAqparat tilshisi.

El quramasy A tobynda synǵa túsedi. Qarsylastary – Rýmynııa, Ázerbaıjan jáne Nıderland quramalary.

Búgingi kezdesýde qazaqstandyq fýtzalshylar alǵashqy mınýtta jınaqy qımyl kórsetti. Nátıjesinde 2-mınýtta Djýnıor Dýglas esep ashty. Oǵan qarsylastar bir golmen jaýap qaıyrdy.

Odan keıin Albert Aqbalyqov 11, Edson Gomesh 16-mınýtta Qazaqstan quramasynyń basymdyǵyn arttyrdy. Al 20-mınýtta Birjan Orazov mergendik tanytty.

Endigi kezekte qarsylas qurama qaqpashysyn besinshi oıynshyǵa almastyryp, eki gol soǵyp ketti.

Osylaısha el quramasy qarsylasynan 4:3 esebimen basym tústi.

Eske salsaq, budan buryn fýtzaldan Qazaqstan quramasy Nıderlandtan basym tústi.

Aıta ketsek, ekinshi irikteý satysynda qazaqstandyq fýtzalshylar Chernogorııa (7:0, 5:1) men Slovenııany (2:0, 3:3) artta qaldyryp, óz tobynda birinshi oryn aldy.

Endi el quramasy 6 qazanda syrt alańda Ázerbaıjanmen sheberlik baıqasady.