Mask X/Twitter áleýmettik jelisin aqyly etpek
Ilon Mask buryn Twitter dep atalǵan X áleýmettik jelisin barlyq paıdalanýshy úshin aqyly etýdi kózdep otyr, dep habarlaıdy QazAqparat BBC News-ke silteme jasap.
Ol birneshe kún buryn Izraıl premer-mınıstri Bınıamın Netanıahýmen sóılesip, bottarǵa qarsy turatyn jalǵyz amal platformaǵa qoljetimdilikti aqyly etý ekenin málimdedi.
«Biz platformany paıdalaný úshin aıyna kishigirim tólem engizýge kóshemiz», - dedi Tesla men SpaceX basshysy.
Bul aıaq astynan aıtylǵan pikir me álde Masktyń aı saıynǵy tólem engiziletini týraly eskertýi me – belgisiz. Byltyr Twitter basshylyǵyna kelgennen beri Mask paıdalanýshylardan X Premium dep atalatyn keńeıtilgen qyzmet úshin qosymsha aqy alýǵa tyrysty. Tólem engizgen jazylýshylarǵa uzaq jarııalymdar qoljetimdi jáne platformada kóriný múmkindigi joǵary boldy.
Degenmen qazir paıdalanýshylar X áleýmettik jelisin burynǵysha tegin paıdalana alady. X Premium-di paıdalaný baǵasy – aıyna 8 AQSh dollary. Baǵa abonent turatyn elge qaraı ózgeredi.
Degenmen Mask X áleýmettik jelisine qoljetimdilikti aqyly etse – paıdalanýshylarynyń kóp bóligin joǵaltyp alýy múmkin. Ol qazir kompanııaǵa kóp kiris ákelip jatqan jarnamadan túsetin tabysty azaıtýǵa ákeledi.
