Memleket basshysy Estonııa Prezıdenti Alar Karıspen kelissóz júrgizdi

Memleket basshysy Estonııa Prezıdenti Alar Karıspen kelissóz júrgizdi, dep habarlaıdy QazAqparat Aqordanyń baspasóz qyzmetine silteme jasap.

Kezdesý barysynda eki memlekettiń túrli saladaǵy yntymaqtastyǵyn nyǵaıtý perspektıvalary talqylandy.

Qasym-Jomart Toqaev estonııalyq áriptesine Qazaqstanda júrgizilip jatqan aýqymdy áleýmettik-ekonomıkalyq ózgerister, sonyń ishinde shetelden ınvestıtsııa tartýǵa jáne ınvestorlardy qorǵaýǵa baǵyttalǵan sharalar jóninde málimet berdi.

Taraptar ózara ortaq múddeni kózdeıtin salalardaǵy yntymaqtastyqty odan ári nyǵaıtýǵa nıetti ekenin rastady jáne bir-birin óz elderine arnaıy saparmen kelýge shaqyrdy.

Sonymen qatar prezıdentter halyqaralyq kún tártibindegi ózekti máselelerdi jáne BUU, Eýropalyq Odaq, EYQU aıasyndaǵy kópjaqty qatynastardy qarastyrdy.