Múgedektikti belgileý boıynsha 38 myńnan astam ótinim syrttaı formatta qaraldy
Jyl basynan beri múgedektik tobyn belgileý úshin medıtsınalyq-áleýmettik saraptama júrgizýdiń syrttaı formaty boıynsha pılottyq jobany iske asyrý sheńberinde Qazaqstannyń barlyq óńirlerinen 38,8 myńnan astam ótinim qaraldy, bul kýálandyrýdan ótken múgedektigi bar adamdardyń jalpy sanynyń 26,1%-yn quraıdy, dep habarlaıdy QazAqparat.
Eńbek jáne halyqty áleýmettik qorǵaý mınıstrliginiń málimetinshe, qazirgi ýaqytta jobaǵa 740-tan astam medıtsınalyq uıym qosylǵan.
2022 jyly syrttaı kýálandyrý boıynsha 57,1 myń ótinim qaraldy, bul kýálandyrýdan ótken múgedektigi bar adamdardyń jalpy sanynyń 22,7%-yn quraıdy.
Buǵan deıin aıtylǵandaı, Ulttyq qoǵamdyq senim keńesiniń VI otyrysynda Memleket basshysy erekshe qajettilikteri bar adamdar úshin barynsha qolaıly jaǵdaı jasaýdy, olardyń ınstantsııalar men qaǵazbastylyq boıynsha júrýin, sondaı-aq kórsetiletin qyzmetti berýshilerdiń kórsetiletin qyzmetti alýshylarmen baılanysyn boldyrmaýdy tapsyrdy.
Osy tapsyrmany oryndaý maqsatynda QR Eńbek jáne halyqty áleýmettik qorǵaý mınıstrligi Densaýlyq saqtaý men Tsıfrlyq damý, ınnovatsııalar jáne aeroǵarysh ónerkásibi mınıstrlikterimen birlesip Qazaqstannyń barlyq 20 óńirinde pılottyq rejımde medıtsınalyq-áleýmettik saraptama (budan ári – MÁS) júrgizýdiń syrttaı formaty boıynsha jobany iske asyrýda.
"Múgedektik tobyn belgileý jónindegi qyzmetti alý úshin ótinish berýshige turǵylyqty jeri boıynsha emhanaǵa júginý jáne qajetti tekserýden ótý qajet, qalǵan protsester aqparattyq júıelerdi ıntegratsııalaý esebinen onyń qatysýynsyz ótedi.
Syrttaı kýálandyrýǵa kóshý:
- ákimshilik jáne bıýrokratııalyq kedergilerdi joıady;
- MÁS saraptamalyq sheshimderiniń ashyqtyǵyn qamtamasyz etedi;
- múgedektikti belgileý jáne múgedektigi bar adamdardy áleýmettik qorǵaý sharalaryn anyqtaý boıynsha qyzmetterdi úıden shyqpaı-aq alýǵa múmkindik beredi;
- kórsetiletin qyzmetti alýshynyń kórsetiletin qyzmetti berýshimen tikeleı baılanysyn boldyrmaıdy, sol arqyly sybaılas jemqorlyq táýekelderin azaıtady", - dep jazdy mınıstrlikten.
