Aýǵanstanda áıelder bazary ashyldy

Aýǵanstan astanasy Kabýlda áıelder bazary ashyldy. Maqsat – keıingi eki jylda jumyssyz qalǵan 100-den astam kásipker áıeldi jumysqa ornalastyrý, dep habarlaıdy QazAqparat TOLO News saıtyna silteme jasap.

Bazardyń negizin qalaýshy Radjmana Halıkıdiń aıtýynsha, bazardy ashýdaǵy negizgi maqsat – qazirgi jaǵdaıda Aýǵanstanda turatyn áıelderge qolaıly jaǵdaı jasaý.
Bir otbasynyń jalǵyz asyraýshysy Olıa Ahmadıar bıznespen aınalysqanyna 18 jyldan astam ýaqyt ótkenin jáne dúkende óz ónimderin senimdi túrde sata alatynyn aıtady.
Іsker áıelder ózderine qaýipsiz keńistik jasalǵanyna rızashylyq bildirip, Islam Ámirliginen isker áıelderge qoldaý kórsetýdi surady.
Bazardan zat satyp alýǵa kelgen keıbir áıelder Islam Ámirliginen jumys isteýge múmkindik berýin surady.

«Biz Islam Ámirliginen áıelderdiń aıaǵynan tik turýy úshin jumys isteýge ruqsat berýin suraımyz. Óıtkeni aramyzda otbasynda er azamaty joq áıelder bar, sondyqtan olardy jumyspen qamtý kerek», - dedi meıramhana menedjeri Mına.

Bazar shamamen 20 akr aýmaqty alyp jatyr. Bazardyń qurylysyna 50 mıllıon aýǵanı jumsaldy.