ıÝlııa Pýtıntseva Qytaıdaǵy jarystyń jartylaı fınalyna shyqty

Qazaqstannyń ekinshi, álemniń 81-raketkasy ıÝlııa Pýtıntseva Gýanchjoý (Qytaı) WTA 250 týrnıriniń jartylaı fınalyna shyqty, dep habarlaıdy QazAqparat tilshisi.

Qazaqstandyq tennısshi shırek fınalda álemniń 48-inshi, osy jarystyń 3-raketkasy, germanııalyq Tatıana Marııamen sheberlik talastyrdy.

Birinshi partııada qazaqstandyq tennısshi 6:4 esebimen basym tústi.

Ekinshisinde T.Marııa 5:3 esebimen alda turyp, setke dop bergende, sol múmkindigin paıdalana almady. Degenmen ol taı-breıkti óz esebine jazdy – 7:6 (8:6).

Úshinshi, sheshýshi sette Pýtıntseva bet qaratpady – 6:0.

Úsh saǵatqa jýyq ýaqytqa sozylǵan matchta ıÝlııa 1 eıspen birge 12 breık-poınttyń teń jartysyn múlt jibergen joq. Tatıana 6 eıs, 2 breıkpen (11 breık-poınt) kózge tústi.

ıÝlııa Pýtıntseva fınalǵa shyǵý úshin álemniń 27-inshi, dodanyń 1-raketkasy, Polsha ókili Magda Lınett nemese reıtıngte 64-satydaǵy ıspanııalyq Rebeka Masharovanyń bireýimen synǵa túsedi.

Qazaqstannyń erler arasyndaǵy birinshi, álemniń 29-raketkasy Aleksandr Býblık Chendý (Qytaı) ATP 250 týrnıriniń alǵashqy aınalymda reıtıngte 64-orynda turǵan amerıkalyq Markos Gıronǵa ese jiberdi – 6:7 (6:8), 3:6.

Eske sala keteıik, budan buryn ıÝlııa Pýtıntsevanyń Qytaıdaǵy týrnırdiń shırek fınalyna shyqqanyn jazǵan bolatynbyz.

Sondaı-aq jazǵy Azııa oıyndaryna qatysatyn Qazaqstan tennıs quramasy anyqtaldy.