Rım Papasy Qarabaqtaǵy janjaldy beıbit jolmen sheshýge shaqyrdy
Rım Papasy Frantsısk Qarabaqtaǵy janjaldy beıbit jolmen retteýge shaqyrdy. QazAqparat bul týraly Vatican News basylymyna silteme jasap.
Papa Frantsısk sársenbi kúni resmı qabyldaý kezinde Qarabaqtaǵy gýmanıtarlyq daǵdarysqa alańdaýshylyq bildirdi.
«Keshe Ońtústik Kavkazdaǵy Qarabaqtan alańdatarlyq habar aldym. Onsyz da qıyndap turǵanda gýmanıtarlyq ahýal endi jańa qarýly qaqtyǵystarmen ýshyǵa túsýde», - dedi pontıfık.
Ol taraptardy shıelenisti toqtatyp, daǵdarysty beıbit jolmen sheshýge shaqyrdy.
«Qaqtyǵysqa qatysýshy barlyq tarapty jáne halyqaralyq qaýymdastyqty qarý qoldanýdy toqtatýǵa jáne halyq ıgiligi men adamnyń qadir-qasıetine qurmet úshin beıbit sheshimderdi tabýǵa bar kúsh-jigerdi salýǵa taǵy da shaqyramyn», - dedi Rım Papasy.
